کوءٹہ ۔ 05 مارچ(اے پی پی) صوبائی سیکرٹری گوازی و امور نوجوانان عمران گچکی پارینے کہ یوم پاکستان 23مارچ ءِ شایان شان وڑاٹ اڈتننگ کن مچ آ بلوچستان اٹی گوازی تا ایونٹس و چندی دود آتے اڈتننگک، ہرانا غٹ ترتیاریک پورو مسنو، محکمہ گوازی گوازی گر تے وارخواہی فراوان کننگ و آسراتی فراوان کننگ کن کوشست کننگ ءِ، ننا ورناتے ٹی ٹیلنٹ نا ہچ ءُ کمتی اس اف اوقومی و جہانی کہول آ صوبہ بلوچستان و ملک انا پن ءِ روشنا کرینو، حکومت بلوچستان گراس روٹ لیول آ گوازی گرتا ٹیلنٹ ءِ مون آ اتنگ کن چیف منسٹر ٹیلنٹ ہنٹ پروگرام نا بناءِ کنننگ ءِ ہراڑآن صوبہ نا لاءخ آ گوازی گر تے مون آ بننگ نا پبی وارخواہی دوبریک ۔ داخیال آتا درشانی ءِ او پنچ شنبے نادے آ صحافی تتون گپ و تران کرسا کرے، سیکرٹری گوازی امور ونوجوانان پارے کہ وزیراعلیٰ جام کمال خان و سلاہکار گوازی و دودوربیدگ عبدالخالق ہزارہ نا ویژن نا رداٹ غٹ ضلع غاتے ٹی اسپورٹس کمپلیکس جوڑ کننگ والا اُن، کمپلیکس نا جوڑ کننگ کن ڈغار نا پیدوار ی ءِ کننگانے زوت اوڑآ کاریم نا بناءِ کننگک، مچ آ صوبہ ٹی ڈویژنل کہول آ سپورٹس فیسٹیولز جاری ءِ، ہراٹی چندی گوازی تا مقابلہ مننگ ءِ، سیکرٹری گوازی و امور نوجوانان عمران گچکی پارے کہ یوم پاکستان 23مارچ آ شایان شان وڑاٹ اڈتننگ کن مچ آ صوبہ ٹی گوازی تا ایونٹس و چندی دود آتے اڈتننگک ہرانا غٹ تر تیاریک پورو مسنو، محکمہ گوازی گوازی گر تے وارخواہی فراوان کننگ وآسراتی تا فراوانی کن کوشست کننگ ءِ، سیکرٹری گوازی و امور نوجوانان عمران گچکی پارے کہ پاکستان سپر لیگ نا غٹ میچ آتا پاکستان اٹی مننگ ستاکڑزک ۔ داڑآن مچ آ دنیا ٹی پاکستان نا سپورٹس سنگتی و داجاگہ نا الس نا گوازی تتون محبت نا اسہ گچین ءُ دروشم اس تالان مریک ولے کوءٹہ گلیڈی ایٹرز فرنچائز نا کنڈآن بلوچستان نا کرکٹر آتے گوجالنگ سمجھ آن پیشن ءِ، دا چرجوئی ٹی نن فیصلہ کرینن کہ بلوچستان نا کرکٹرز آتے محکمہ گوازی حکومت بلوچستان پلیٹ فارم اس فراوان کیک ۔
