اسلام آباد ۔ 05مارچ(اے پی پی) وزیراعظم نا سلاہکار واپار عبدالرزاق داءود پارینے کہ نن ویلیو ایڈڈ مصنوعات آتا کمک اٹ برآمد آتے ٹی ودکی کننگ کینہ، فروری ٹی سالانہ بنداو تیا ڈالر نا مد اٹی برآمد آتے ٹی 13;46;6 درسد ودکی مسنے ۔ داخیال آتا درشانیءِ او پنچ شنبے نادے آ سیمینار آن تران کرسا کرے ۔ اوپارے کہ ننے کشت وکشار اٹی ویلیو ایڈڈ مصنوعات آتا برآمد آتے مون آ دروئی ءِ ، پوسکن آ ٹیکنالوجی ءِ تینا کروئی ءِ، نن ویلیو ایڈڈ مصنوعات آتا کمک اٹ برآمد آتے ٹی ودکی کننگ کینہ ۔ اوپارے کہ ایتھنول ءِ بطور ایندھن کاریم اٹ اتنگ ءِ مون آ دننگ ناءِ ، ننے ایتھنول نا بشخ اٹی برازیل نا آزموندہ و چاہنداری تیان ہیل کروئی ءِ ۔ حکومت چینی مولاسیز و ایتھنول نا بشخ اتون پورو کمک کننگ ءِ ۔ اوپارے کہ کیہی سال آن برآمد آک کمتی نا شکار ئسر ، خوشی ءِ کہ فروری ٹی برآمد آتے ٹی ودکی مسنے ۔ اوپارے کہ فروری ٹی سالانہ بنداو تیا ڈالر نا مد اٹی برآمد آتے ٹی 13;46;6 درسد ودکی مسنے ، دا اشارہ ءِ کہ زرگزران نا سمت سہی مسنے ۔
