اسلام آباد ۔ 05مارچ(اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ہر مسلمان زالبول نا رول ماڈل حضرت فاطمتہ الزہرانا سیرت طیبہ و امہات المومنین کون آ جلیل القدر ہستیک ءُ، اسلامی تاریخ نا داروشناکڑد ننکن راہشونی اسے ءُ، وزیراعظم عمران خان نا کماشی ٹی ساڑی حکومت زالبول آتا ہر وڑنا استحصال نا برخلاف ءِ و اوفتا آئینی ، کانودی، سیاسی، راجی و زرگزرانی حق انا رکھ اکن پرعزم ءِ ، زالبول آتا عزت و شرف اونا حیاءِ، میڈیا یا پین فورم اسے آ زالبول نا تضحیک و تذلیل ناقابل قبول رویہ سے ۔ داخیال آتا درشانی ءِ او پنچ شنبے نادے آ تینا ٹویٹ اٹی کرے ۔ ڈاکٹر فردوس عاشق اعوان پارے کہ اولیکو مسلمان زالبول حضرت خدیجہ الکبری تجارت پیشہ ئس ، ہر مسلمان زالبول نا رول ماڈل حضرت فاطمتہ الزہرا نا سیرت طیبہ و امہات المومنین کون آ جلیل القدر ہستیک ءُ ۔ اوپارے کہ اسلامی تاریخ نا دا روشنا کڑد ننکن راہشونی اسے ءُ ۔ خصوصی کمکار حوالکاری و شین کاری پارے کہ وزیراعظم عمران خان نا کماشی ٹی ساڑی حکومت زالبول آتا ہروڑنا استحصال نا برخلاف ءِ و اوفتا آئینی ، کانودی، سیاسی ، راجی و زرگزرانی حق انا رکھ اکن پرعزم ءِ ۔ اوپارے کہ زالبول آتا حق میرات آن ہلیس زینب الرٹ بل انا منظوری اسکان نا گام گیج آک زالبول آتا حق اکن حکومت نا پکا عزم و سوچ انا پیدواردرشانی ءِ، خصوصی کمکار پارے کہ میڈیا یا پین فورم اسے آ زالبول نا تضحیک و تذلیل ناقابل قبول رویہ سے، ٹی وی چینل آ پیش بروک آ واقعہ است ہسونی اسے ۔ اوپارے کہ میڈیا داوڑنا حساس باندات آتیا زیات زمواری نا درشانی ءِ کے ۔