اسلام آباد ۔ 05 مارچ(اے پی پی) صدر مملکت ڈاکٹر عارف علوی پارینے کہ پاکستان مصر اتون برادرانہ تعلقداری تے بے کچ اہمیت ایتک و ہڑتوم آ ملک آتے ٹی واپار، دفاع و دودوربیدگ نا بشخ آتے ٹی رابطہ غاتے ودفنگ نا خواہندار ءِ ۔ اوداخیال آتا درشانی ءِ پنچ شنبے نادے آ داڑے پاکستان اٹی مصر انا سفیر احمد فضل محمد یعقوب تون گپ و تران کرسا کرے، ہراصدر مملکت تون سپاروکی اوڑدہی اس کرے ۔ صدر مملکت ہڑتوم آ ملک آتے ٹی بڑزکو کہول انا دورہ غاتا اہمیت آ زور شاغسا مقبوضہ جموں و کشمیر اٹی انسانی حق انا سنگین لتاڑتیا مصر انا موقف نا ستاءِ کرے ۔ صدر مملکت اقوام متحدہ، او آئی سی و ڈی ایٹ کون آ جہانی فورم تیا ہڑتوم آ ملک آتا نیام اٹ کمکاری نا ساڑی آ حالیت آتیا است جمی نا درشانی ءِ کرے ۔ صدر ہڑتوم آ برادرملک آتا نیام اٹ ہڑتوم آ کنڈآتا تعلقداری تیٹی گچینی اتنگ کن دزکش مروک آ سفیر نا کوشست آتا ستاءِ کرے ۔
