اسلام آباد ۔ 4 مارچ (اے پی پی)کشمیر ءُگلگت بلتستان ءِ معاملہانی بنجاہی وزیرعلی امین گنڈاپورءَ گوشت کہ کرپشن ءِ ھلاسی ءُساپ ءُپلگاری اے حکومتءِ اولی دلگوشی انتءُپاکستان ءِ مہلوک ءَ میرٹ ءِ پاسداری ،کرپشن ءِ ھلاسی ءُحکومتی معاملہانی تہ ساپ ءُپلگاری ءِ ھاتراگچینکاری ءِ تہ پاکستان تحریک انصاف ءَ گیچین کتگ۔اے ھیالانی درشان آہاں گلگت بلتستان ءَ گوں سیادی داروکیں یک ڈلے گوما گپ ءُ تران کنان کتگ ات۔اے موہ سرا بنجاہی وزیر ءَ گوشت کہ پاکستان پیپلز پارٹی ءُ مسلم لیگ (ن) ءِ حکومتءَ وتی کرپشن ءَ چہ ملک ءِ بُن پُرکتگ ات۔آہاں گوشت کہ آہاں گوشت کہ مروچی اے گلانی راھشونی ءُسیاسی راھشون دومی ءَ را ساپ ءُپلگاریءِ سبق دیگ انت۔بنجاہی وزیر ءَ گوشت کہ صوبہ سندھ ءِ تہ سالاں سال حاکمی ءِ تہ نشتگیں گل پیپلز پارٹی ءَ صوبگ ءِ ہمہ حشر کتگ انت ہمہ مروچی دراھیں پاکستانی مہلوک ءِ دیما انت،مروچی صوبگ سندھ ءُایشی ءِ بُن شہر کراچی پیپلز پارٹی ءِ نابودی ءُکرپشن ءِ سبب ءَ کھنڈراتءِ تہ بدل بوتگ۔آہاں گوشت کہ اے میگا کرپشن ءِ ابید آہانی راھشون انوں ھم لوٹ کسوٹ ءِ تہ دزگٹ انت ءُ اآءی ءِ گلگت بلتستان ءِ تہ نمائندگ وتی کرپشن سرا پردہ مان کنگ ءِ ھاترا دومیگ ءَ را ساپ ءُپلگاری ءِ درس دیگ بوھگ انت۔آہاں گوشت کہ وھدیکہ تحریک انصاف ءِ حکومت حاکمی ءِ تہ اتکگ انت آئی ءَ ہمک تبک ءَ کرپشن ءِ ھلاسی ءِ ھاترا چکاریں گامگیج کتگ ات ءُمروچی گلگت بلتستان ءِ تہ جاڑی ایس ڈی پی منصوبگانی تہ چکاریں ساپ ءُپلگاریں ءَ را برجاہ داشتگ۔آہاں گوشت کہ اے ڈی پی منصوبگ آنی تہ ساپ ءُپلگاریءَ را برجاہ دارگ ءُکرپشنءِ ھلاسی ھاترا ہمگرنچیں ادارگہاں را چکاریں کارروائی کنگ لوٹ ایت۔آہاں گوشت کہ تحریک انصاف ءِ حکومت ءِ اے وژن انت کہ آزات کشمیر ءُ گلگت بلتستان ءِمنصوبگانی تہ ھرچ بیوکیں فنڈز درحقیقت آزات کشمیر ءُ گلگت ءِ مہلوک ءِ امانت انت ءُ آزات کشمیرءُ گلگت بلتستان ءِ مہلوک ءِ حق انت کہ آہانی فنڈزءِ راستیں کارمرزی ءِ باروا وتی راھشونی ءَ فنڈزءِراستیں کارمرزی ءِ باروا وتی راھشون ءَ چہ جست ءُپرس کن انت۔ علی امین گنڈاپورءَ گوشت کہ عمران خان ءِ وژن ءُ شفاف راھشونی ءِ آسرءَ آہاں را سدکی انت کہ گلگت بلتستان ءِ آوکیں گچینکاری ءِ تہ پاکستان تحریک انصاف ءِ حکومت سرجمیں وڈءَ سوبمند بیت۔آہاں گوشت کہ گلگت بلتستان ءِ تہ سیل ءُسوادی ءُ معدنیات ءِ ھوالہ چہ معاشی دیمروءی ءِ لہتیں بود ساڑی انت ہمہ نہ ایوکا گلگت بلتستانءِ سوگو بنیات جوڈ بہ بیت۔
