راولپنڈی ۔ 4 مارچ (اے پی پی) سرڈگاری اُرد ءِ سروک جنل قمر جاوید باجوہ ءَ کھاریاں ءِ نزیک ءَ ھیل کاری دمگ آنی چار ءُ تپاسی گپت ءُ آھودا استیں جاڑیگیں انٹرنیشنل پاکستان آرمی ٹیمب اسپرٹ ءِ باج برئی آنی تپاسی گپت۔ آئی ایس پی آر ءِ رد ءَ اے باج برئی آنی تہ ءَ کراچی کور ءَ اولی رند ءَ ، ملتان کور ءَ دومی ءُ راولپنڈی کور ءَ سیمی پوزیشن گپتگ وھدیکہ ترکی ءَ میاں اوستمانی ٹیمب آنی تہ ءَ گولڈ میڈل در جتگ۔ سعودی عرب، سری لنکا ءُ زرباری افریقہ ءِ ٹیمب آناں سلورر میڈلز دیگ بوت انت۔ پاک فضائیہ ءِ ٹمیب آں پوپل ءِ میڈل گپتگ۔ اے موہ ءِ سر ءَ وتی گشتانک ءَ آرمی چیف ءَ گوشت کہ اے رنگیں مقابلہ جوانیں تجروبت آنی رد ءَ جنگ کنگ ءِ ازم گیش بیت، اے رنگیں مقابلہ آنی تہ ءَ شریکیں ملک آنی ارد آناں جوڑینگ ءَ کمک رسیت۔ آئی ءَ باج برئی ءِ کامیاتی ءَ گوں سرجم بوھگ ءِ پد ءَ شریکیں مردم آناں مبارک بات دات۔
