اسلام آباد ۔ 4 مارچ (اے پی پی) بنجاہی وزیر برائے بین الصوبائی رابطہ ڈاکٹر فہمیدہ مرزا ءِ گوما چار شمبے ءَ قطر ءِ سفیرصقر بن مبارک المنصوری ءَ گند ءُنند کتگ۔گندءُنند ءِ تہ وت مہ وتی دلچسپی ءِ معاملہ،دودیمی سیادی ءِ پراھیءُ لہتیں تکءَ کمک گیش کنگءِ سرا ھیال ریچی کنگ بوتگ۔بنجاہی وزیر فہمیدہ مرزاءَ گوشت کہ لیبانی ءُ سیل ءُسوادی ءِ پڑءَ قطرءُ پاکستان ءَ را وت مہ وتی کمک ءَ گوں کار کنگ بیت۔آہاں گوشت کہ 2015ءءِ تہ قطر ءِ گوما منوگر نامہ ءِ سرا دست چنگل کنگ بوتگ۔آہاں گوشت کہ حکومت ءُ مردم آھگ روگ انت بلے ادارگ ہروھد وتی جاگہ ہڈ بوھگ انت۔آہاں گوشت کہ یکجاھیں وزارتی کمیشن ءِ پنچمی دیوان ءِ تہ اے گپے سرا تپاکی کنگ بوتگ کہ پاکستان ءِ فٹ بال فیفا کپ ءِ تہ کارمرزی ھاترا ایکسپورٹ کنگ بوھگ انت۔ آہاں گوشت کہ الیٹ لیول، ایوارڈ یافتہ لیئبی ءِ ھاترا پورٹل جوڈ کگ ءِ سرا زوت کار بندات کنگ بیت۔بنجاہی وزیر ءَ قطری سفیر ءَ را ڈیووس کپ ٹائی ءِ بنداتی مراگش ءِ تہ بھرزوری ءِ ھاترا ھم دعوت داتگ۔ قطری سفیر ءَ حکومت پاکستان ءِ کرونا وائرس ءِگرودار ءِ ھاترا کوشستءَ را ساڑاتگ۔
