اسلام آباد ۔ 4 مارچ (اے پی پی)تہی کارانی بنجاہی وزیر اعجاز احمد شاہ ءِ گوما جنوبی کوریا ءِ سفیر کواک سنگ کوئی ءَ چارشمبے ءَ ادا گند ءُ نند کتگ۔گند ءُ نند ءِ تہ وت مہ وتی معاملہانی سرا ھیال ریچی کنگ بوتگ۔تہی کارانی وزارتءِ نیمگا چہ جاڑی بیان ءِ ردا دری کارانی وزیر اعجاز احمد شاہ ءَ اے موہ سرا گپ ءُ تران کنان ءَ گوشت کہ پاکستان ءُ جنوبی کوریا ءِ میان ءَ شریں سیادی انت۔آہاں گوشت کہ پاکستان ءِ لہتیں نودربر جنوبی کوریا ءَ مزن تکی وانگی ءَ پہ روگ انت۔ تہی کارانی وزیر ءَ گوشت کہ کرونا وائرس ءِ گمان ءِ ھاترا مہ وتی سیمسر ءُبالی پڑ ءِ سرا دراھیں اناگتی گام چست کتگ ات۔مءے دراھیں کوشست انت کہ احتیاطی تدبیرءِ تہ ہچ وڈیں کوتاہی مہ بیت۔اآماچیں مردمانی جاور ھطرہ ءَ چہ ڈن انت۔آہاں امیت ءِ درشان کتگ کہ پاکستان ءُ جنوبی کوریا ءِ دودیمی سیادی ءِ تہ ودک شریں دیمروءی بوتگ۔جنوبی کوریا ءِ سفیرءَ گوشت کہ ویزہ اآسراتی ءِ پھجارگ ءِ ھاترا کمک برجاہ ایر کن انت۔آہاں گوشت کہ کرونا وائرسءَ گوں دیم دیگ ءِ ھاترا پاکستانی حکومت ءِ گام ستا ءِ لائق انت،پاکستان ءَ اے جیڈھ ءَ را باز شریں وڈءَ دیم دیگ انت۔
