کوئٹہ ۔ 04 مارچ ( اے پی پی ) بنجاہی وزیر ایوی ایشن غلام سرور خان ءَ چارشمبے ءَ کوئٹہ ایئرپورٹ سرا مزنیں رن وے ءِ جوڈ دیگ ءِ بُن ھشت ایر کتگ۔اے موہ ءَ بنجاہی وزیر ایوی ایشن غلام سرور خان نءَ مراگش ءَ گوں تران کنان ءَ گوشت کہ استان ءِ دراھیں اکائی ءِ بربری سرا سدکی دارگ انت۔کوئٹہ ایئرپورٹ ءِ تہ نوکیں میاں اوستمانی ٹرمینل ءِ بنداتی یک ھاسیں دیمروئی انت، کوئٹہ ایئرپورٹ ہمک سال 5 لکھ مسافر ہینڈل کنگ انت ءُ کوئٹہ بالی پٹ ءِ سرا ھپتگ ءِ تہ 38 فلائیٹ آھگ انت۔آہاں سرپد کتگ کہ کوئٹہ بالی پٹ ء پراھی ءِ بنداتی 2016 ءِ تہ بوتگ ءُ فیز فیز I مئی 2018 ءِ تہ سرجم بوتگ، تٹرمنل بلڈنگ ءِ جوڈ جاڑی 2016 ءِ تہ بناء بوتگ ءُ منصبگ ءِ سرا مچ 3 بلین کلدار ھرچ کائیت پراھی ءِ ردا ٹرمینل ءِ سرزمین ءَ را ٹرپل کنگ بوتگ۔آہاں گوشت کہ پراھی ءِ ردا سئے چیک کاونٹر ءَ را گیش کنان ءَ 12کنگ بوتگ انت۔۔امیگریشن کاﺅنٹرز ھم گیش کتگ ات۔ڈومیسٹک ءُ انٹرنیشنل آھگ میںبیگیج بیلٹ 2 کنگ بوتگ ات۔انٹرنیشنل لاوئنج ءِ تہ نشستیں 260 چہ گیش کنانءَ 816 کرتگ ات،اے وڈءَ CIP 53 نشستیں ڈومیسٹک ڈیپارچر ءِ تہ200 چہ 432 نشست تاں ودکی کنگ بوتگ۔ہیڈ آف سٹیٹ ءِ ھاترا اسٹیٹ لاﺅنج ءِ یک نوکیں اآسراتی ھوار کنگ بوتگ انت۔
