اسلام آباد ۔ 4 مارچ (اے پی پی) بنجاھی وزیر برائے منصوبگ بندی، دیمروئی کار ءُ ھاسیں گامگیج اسد عمر ءَ گوشت کہ گوزوکیں مالی سال ءِ اول ھشت ماہ آنی تہ ءَ دیمروئی فنڈز آنی کارمردی 39 درسد بوتگ، گوستگیں وھد ءَ اے ساھت ءَ فنڈز آنی کارمردی گیشاں چہ گیش 32درسد بوتگ۔ چار شمبے ءَ اسد عمر ءَ میڈیا ءَ گوں تران کنان ءَ گوشت کہ 6سال آنی رد ءَ گوزوکیں مالی سال ءَ دیمروی فنڈز آنی کارمردی پڑ ءَ ریکاٹیں گیشی بوتگ، ایش گوستگیں شش سال آنی ساھت ءَ درستاں چی گیشترین انت۔ اسد عمر ءَ گوشت کہ پشاور، کراچی موٹروے منصوبگ 99 درسد سرجم بوتگ، گوزوکیں مالی سال ءَ 7۔17 ارب کلدار پشاور ۔ کراچی موٹروے منصوبگ ءِ سرءَ ھرچ ءُ درچ کنگ بوتگ۔ سال ءِ اولی 5 ماہ آنی تہ ئَ 87ارب ءُ گوستگیں وھد ءَ ایوک ئَ 3ماہ آنی تہ ءَ 185ارب کلدار ے دیمروئی فنڈز ھرچ بوتگ، دیمروئی ءِ گام اللہ پاک ءِ فضل ءُ کرم ءَ چہ ترندی پیداک انت۔ آئی ءَ گوشت کہ فیصل اآباد۔ خانیوال روڈ منصوبگ ءِ سر ئَ 98 درسد دیموئی کار بوتگ، اے منصوبگ ءِ واستہ 5 ارب گیشینگ بوتگ۔ آپ ءِ رکھینگ ءَ را دل یکیمی کنگ ءِ واستہ گامگیج آنی سر ءَ چمشانک دیان ءَ اسد عمر ءَ گوشت کہ گوزوکیں مالی سال ءِ اولی 8ماہ آنی ساھت ئَ واٹر کورسز آنی گہتری ءِ راجی پروگرام آنی چیر دستی ءَ 5۔2 ارب کلدار ھرچ بوتگ وھدیکہ مہمند ڈیم ہائیڈرو پاور منصوبگ ءِ سر ءَ کار بندات کنگ بوتگ ءُ انوگ ءَ تاں 8۔2 ارب ھرچ کنگ بوتگ۔ آئیءَ گوشت کہ خضدار ءَ کسانیں ڈیم آنی جوڑیشت ءِ واستہ 125 ملین کلدار کارمرد کنگ بوتگ۔ اسد عمر ءَ گوشت کہ پی ٹی آئی ءِ حکومت توامیں جاڑیگیں منصوبگ آنی سر ءَ کار ترندی ءُ دل یکیمی کنگ ءِ واستہ واھشت ایگ انت۔ گوزوکیں مالی سال ءِ ساھت ءَ 200 ءَ گیش منصوبگ سرجم بوھگ ءِ امیت انت۔
