وزیراعظم عمران خان تون پشاور زلمی نا چیئرمین جاوید آفریدی، کیپٹن ڈیرن سیمی نا اوڑدہی

اسلام آباد۔ 04مارچ(اے پی پی) وزیراعظم عمران خان تون پشاور زلمی نا چیئرمین جاوید آفریدی، کیپٹن ڈیرن سیمی چارشنبے نادے آ داڑے اوڑدہی کریر۔ پشاور زلمی نا ہیڈ کوچ محمد اکرم و بیٹنگ مینٹور ہاشم آملہ ئسک ہم اوڑدہی ٹی ساڑی ئسر۔ وزیراعظم آفس آن جاری بیان نا رداٹ وزیراعظم عمران خان پاکستان نا اعزازی شہریت ملنگ آ ڈیرن سیمی ءِ مبارکبادی تس۔ اوڈیرن سیمی تون مخاطب مرسا پارے کہ پاکستان اٹی جہانی کرکٹ نا بحالی نا کڑد ستاکڑزنگ نا لائق ءِ۔ وزیراعظم پاکستان سویلی افریقہ نا لیجنڈ بیٹسمین و پشاور زلمی نا مینٹور ہاشم آملہ ءِ ہم بخیر اٹ پارے۔ اوپارے کہ کنے خوشی ءِ کہ مچ آ پی ایس ایل پاکستان اٹی مننگ ءِ، مخلوق آک خوش ءُ۔ اوپارے کہ پی ایس ایل نا غٹ میچ آتے ٹی شونقی تا بھلو کچ اسے ٹی ساڑی گری و جوش وجوزہ است بڈءِ۔ دا مچ آ دنیا ءِ پاکستان نا مثبت کلہو ءِ۔ وزیراعظم عمران خان پاکستان اٹی انٹرنیشنل کرکٹ نا بحالی ٹی پشاور زلمی و ڈیرن سیمی نا کڑد انا ستاءِ کرے۔