اسلام آباد۔ 04مارچ(اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ پیشن نا ملک ساڑی ڈاکٹر آک پاکستان اٹ پدی خذمت انجام تننگ خوارہ، پیشن نا ملک اٹی رہینگوک آ ڈاکٹرآک پاکستان کن گڑاس کننگ خوارہ ولے اوفتے تون ہچ ءُ پلیٹ فارم اس اف، ننا گروتھ ریٹ ایشیا ٹی غٹ آن کم ءِ۔ چارشنبے نادے آ راولپنڈی میڈیکل یونیورسٹی ٹی جہانی طبی کانفرنس آن تران کرسا ڈاکٹر ظفر مرزا پارے کہ راولپنڈی میڈیکل یونیورسٹی ٹی بطور مسکوہی طالب علم برسا خوشی مریک۔ اوپارے کہ پیشن نا ملک اٹی ساڑی ڈاکٹر آک پاکستان آ پدی برسا خذمت انجام تننگ خوارہ، پیشن نا ملک اٹی رہینگوک آڈاکٹرآک پاکستان کن گڑاس کننگ خوارہ، ولے اوفتے تون ہچ ءُ پلیٹ فارم اس اف۔ اوپارے کہ نن ناجوڑی تا خطرہ غاتا گواچی ملک اٹی رہینگ انگ اُن، ننا گروتھ ایشیا ٹی غٹ آن کم ءِ۔ اوپارے کہ اگہ ای جان جوڑی نا بشخ انا ویل آتیا ہیت کیو تو نم فریشان مریرے۔ اوپارے کہ حکومت وزیراعظم عمران خان نا ویژن نارداٹ جان جوڑی نا بشخ اٹی بھلو کچ اسے آ اصلاحات درستی راستی کرفنگ ءِ۔ ڈاکٹر ظفر مرزا مستی پارے کہ جان جوڑی حکومت نا اولیت ءِ۔ اوپارے کہ حکومت یونیورسل ہیلتھ کوریج ءِ پک کننگ کن پرعزم ءِ۔ اوپارے کہ جان جوڑی نا 70 درسد غاوتا ازالہ ءِ پرائمری ہیلتھ لیول آ کننگ مریک۔ ڈاکٹر ظفرمرزا پارے کہ پاکستان اٹی نیزگاری نا لکیر آن شیف رہینگوک آتا کچ 50 درسد ءِ۔ اوپارے کہ نیزگاری نا لکیر آں شیف زند ءِ تیرکروک آتے حکومت ہیلتھ کارڈ فراوان کننگ ءِ، 300 آن زیات پرائیوٹ و پبلک ہسپتال ہیلتھ کارڈ نا پینل آ ساڑی ءُ۔ اومستی پارے کہ داسال انا ایسر اسکان 15 ملین خاہوت آتے ہیلتھ کارڈ نا آسراتی فراوان کننگک۔ اوپارے کہ 75 لکھ خاہوت آتے ہیلتھ کارڈ فراوان کرینن۔ ڈاکٹر ظفر مرزا پارے کہ نیزگاری نا لکیر آن شیف رہینگوک آتے حکومت ہیلتھ کارڈ فراوان کننگ ءِ انتئے کہ جان جوڑی حکومت نا اولیت ءِ۔ ڈاکٹر ظفر مرزا پارے کہ حکومت یونیورسل ہیلتھ کوریج ءِ پک کننگ کن پرعزم ءِ۔
