اسلام آباد ۔ 3مارچ(اے پی پی) مزن وزیرءِ جان ء ُ سلامتی پڑءِ حاسیں کمک کار ڈاکٹر ظفر مرزا ءَ گشتگ کہ ملک ءَ تاں انوں کروناوائرسءِ 5کیس رجسٹرڈ کنگ بوتگ اَنت، ایمرجنسی کورگروپ جاورھالانی چارء ُ تپاسیء َ کنگءَ اِنت، اے بابتءَ درائیں گامگیج کنگ بوہگءَ اَنت، کروناوائرس ءَ را گرء ُ دار کنگءِ ھاترءَ درائیں ادارگ ء ُ صوبہ وتی کردءَ سرجمءَ پیلوبہ کن اَنت، اے بابتءَ تُرسگءِ ایچ ضلورت نہ ایں ، اُلسءِ شریء ُ رکینگ ءِ ھاترءَ اشتاپی بنیاتاں کار کنگءَ اَنت ۔ اے ھیالانی درشانی کرونا وائرس ءَ چہ رکینگ ءِ ھاترءَ ایمرجنسی کورگروپ ءِ دیوان ءِ سروکی کنانءَ کتگ ۔ دیوان ءَ جانء ُ سلامتی ءِ راجی ادارگ ءِ ایگزیکٹو ڈائریکٹر ، پاک فوج ءِ نمائدگ ء ُ دگہ زانت کار ہوار بوتگ اَنت ۔
