
اسلام آباد ۔ 3مارچ(اے پی پی) نیشنل ڈیزاسٹرمینجمنٹ اتھارٹی(این ڈی ایم اے ) ءَ چین، ایران ء ُکرونا وائرس ءِ آماچیں ایندگہ ملک آں چہ پاکستانءَ آیوکیں مسافرآنی ھاترءَ اسلام آبادءَ 300نپادانی جدید بنجاہے جوڑ کنگ بوتگ ۔ این ڈی ایم اے ءِ جارچین ءِ گشگءِ ردءَ چین، ایران ء ُ کرونا وائرس ءِ آماچیں ملک آں چہ پاکستانءَ آیوکیں مسافرآں 15روچانی ھاترءَ اے نادراہ جاہءَ دارگ بیت ۔ اے بنجاہ ءَ نندگ جاہ، ڈسپنسری، کیفے ٹیریا ء ُ ایندگہ آسراتی ہمے کمپانءِ تہءَ سرکنگ بیت ۔ جارچینءِ گشگءِ ردءَ سرج میں دنیاءَ کرونا وائرس ءِ سوبءَ ودی بوتگیں ایمرجنسی ءِ ردءَ اے بنجاہ جوڑ کنگ بوتگ ۔ اے بنجاہ ءِ جوڑ کنگءِ مولء ُمراد وائرس ءَ چہ ودی بوتگیں اشتاپی جاورھالءَ را گِرء ُ دار کنگءِ ھاترءَ رکینگی گامگیج کنگ بوتگ اَنت ۔ ایشیء َ ابید این ڈی ایم اے ءَ 20ملین کلدارءِ حرچءَ چہ کرونا وائرس ءِ نادراہ آنی پجّار کنوکیں سے جدید سکینر ہم حاصل کنگ بوتگ اَنت کہ بازیں بالی پڑاں جوڑ کنگ بوتگ اَنت ۔