اسلام آباد ۔ 3 مارچ (اے پی پی) مزن وزیر ءِ ھاسیں کمکار برائے ڈاکٹر فردوس عاشق اعوان ءَ گوشت کہ شہباز شریف ءِ کوکار گوشگ ءَ انت کہ حکومت ءِ پاکستان ءِ نیمگ ءَ برطانوی حکومت ءَ نواز شریف ءُ آئی یے وطن ءَ واتری ءِ واستہ چٹھی رستگ، نواز شریف ءُ شہباز شریف ءَ زاتی سیت آنی واستہ ڈن ملک ءَ روگ ءِ پیسلہ کنگ ءَ چہ مسلم لیگ (ن) ءِ کلچ پلیٹ پروشتگ انت۔ سئے شمبے ءَ بنجاھی کابینہ ءِ دیوان ءَ چہ پد میڈیا ءَ را بریفنگ ءِ ساھت ءَ یک جستے ءِ پسو ءَ ڈاکٹر فردوس عاشق اعوان ءَ گوشت کہ حکومت واٹس ایپ یا سوشل میڈیا ءِ سرءَ نہ چل انت بلکینگ ءَ یک پکوئیں فارمولہ ءُ لیکہ ءُ رھبند آنی سر ءَ کار کن اَںت۔ حکومت ءَ نواز شریف ءُ شہباز شریف ءِ وطن واتری ءِ واستہ برطانوی حکومت ءَ را نمدی نبشتتگ کتگ مرچی شہباز شریف ءِ کوکار آنی توار دگہ ملک ءِ روگ ءَ انت اے کوکار گوشگ ءَ انت کہ برطانوی حکومت ءَ را نمدی سر بوتگ، حکومت توامیں کانودی سیم سر آں سرجم کنت۔ حکومت ءَ نواز شریف ءُ شہباز شریف ءَ را موہ داتگ نوں ایشانی پیسلہ انت کہ آ کجام نمونگ ءَ لیب ءُ گوازی کنگ لوٹ انت۔
