سپیکر قومی اسمبلی اسد قیصرءِ فلسطینی سفیر احمد جواد رابی ءِ گوں گپ ءُُ تران

اسلام آباد۔ 3 مارچ (اے پی پی) سپیکر راجی اسمبلی اسد قیصر ءَ گوشت کہ پاکستان ءِ مہلوک فلسطین ءَ گوں جہلانکیں دلی سیادی دارگ انت ءُُ آیانی دل وتی فلسطینی براتاں گوں پج انت،پاکستانءُُ فلسطین مذہب،اخوت،راج دپترءُُ ربیدگ ءِ لازوال رھوت ءَ بستگ ات، پاکستان فلسطینی دمگانی سرا اسرائیلی قوضہ ءُُ آبات کاری ءِ پُرزورءِ ایراد جنئگ انت ءُُ 1967ءَ چہ پیسرءَ ہمہ دمگ فلسطین ءِ تہ ھوار ات آہاں گوں ھوار آزات فلسطینی استان ءَ لوٹگ انت۔آہاں گوشت کہ پاکستان ءِ درشان پاکستان ءِ تعینات فلسطین ءِ سفیر احمد جواد رابی ءَ گوں دوشمبے ءَ پارلیمنٹ ہاوس ءِ تہ بیوکیں گند ءُُ نند ءِ تہ گپ ءُُ تران کنان ءَ کتگ ات۔گند ءُُ نند ءِ تہ فلسطین ءُُ کشمیر ءِ جاورھال،امہ ءِ جیڈھءُُ وت مہ وتی اندوہناکی ءِ دگہ معاملہانی سرا ھیال ریچی کتگ۔سپیکر ءِ گوشگ ات کہ پاکستان ءَ داں روچ مروچی ءَ اسرائیل ءَ را نہ من اتگ ءُُ نہ کدی ھم من ایت۔پاکستان ءَ ہروھد دراھیں میاں اوستمانی ءُُ دمگی فورمزءِ سرا فلسطین ءِ تہ بوتگیں اسرائیلی زلم ءُُ زوراکی ءِ ھلاپ ءَ تواربرز کتگ۔آہاں گوشت کہ پاکستان فلسطین ءُُ کشمیر ءِ ھوار دراھیں جیڈھءَ را حل کنگ ءِ واھشتمند انت۔آہاں گوشت کہ پاکستان فلسطینی مہلوک ءَ گوں پج انت ءُُ فلسطین ءِ آزاتی ءِ جنز ءِ سرجم پلہ مرزی کنگ انت ءُُ ہمک تبک ءَ فلسطینی مہلوک ءِ اخلاقی،سفارتی پلہ مرزی برجاہ ایر کن ایت۔آہاں گوشت کہ پاکستان ءِ تاک وتی فلسطینی گہاربراتانی ھاترا پچ انت۔آہاں میاں اوستمانی براتری سرا فلسطینءُُ کشمیر ءِ تہ قابض اُردو ءِ نیمگا چہ کتگیں زلم ءُُُ زوراکی ءِ نوٹس زورگ ءِ ضلورت ءِ سرا زور مان کتگ۔ سپیکر اسد قیصر ءَ گوشت کہ پاکستان اتحاد بین المسلمین ءِ سرا سدکی دارگ انتءُُ اے مکسدءِ ھاترا کرد ادا کنگ انت۔آہاں گوشت کہ مزن وزیر عمران خان پاکستان ءَ را اسلامی فلاحی استان جوڈ کنگ ءِ ھاترا ایکٹو انتءُُ اے درگت ءَ ملک ءِ تہ اُلسی فلاح ءُُ بہبود ءِ ھاترا ترجیحی بنیاتاں گام گیج چست کنگ انت۔ فلسطین ءِ سفیر احمد جواد رابی ءَ سپیکر قومی اسمبلی اسد قیصر ءِ فلسطین ھاترا یکجہتی ءُُ خیرسگالی ءِ جوزگ ءَ را ساڑان ءَ گوشت کہ فلسطین پاکستان ءَ را وتی برات ءُُ بااعتماد دوست سمجھگ انت ءُُ گوں پاکستانءِ وتی سیادی ءَ را شرپے چماں چارگ انت۔ آہاں گوشت کہ فلسطینی مہلوک پاکستان ءَ را وتی گس سمجھگ انت ءُُ فلسطینءِ آزاتی جنزءِ غیر متزلزل پلہ مرزی ءِ سرا پاکستانی مہلوک ءِ منت وار انت۔آہاں گوشت کہ پاکستان ءَ ہر گرانیں وھد ءِ تہ فلسطینی مہلوک ءَ گوں پچ اوشتاتگ انت۔آہاں گوشت کہ پاکستان اسلامی دگنیا ءِ ھاس ءِ ملک انت ءُُ اتحاد بین المسلمین ءِ ھاترا ایشی ءِ کرد قابل ستائش انت۔آہاں مزن وزیر عمران خان ءِ اقوام متحدہ ءِ جنرل اسمبلی ءِ گشتانک ءَ را ساڑان ءَ گوشت کہ مزن وزیر عمران خان ءَ اقوام متحدہ ءِ جنرل اسمبلی ءِ وتی گشتانک ءِ تہ مسلم امہ ءِ چکاریں ربالکاری کتگ۔آہاں گوشت کہ جیڈھانی ءُُ امت مسلمہ ءَ را درپیش جیڈھانی حل ءِ ھاترا مسلم امہ ءِ تہ اتحاد ءُُ یک جہتی ناگزیر انت۔آہاں گوشت کہ فلسطین ءِ50ہزار ءَ چہ گیش نودربراں پاکستانی شاہدربرجاہ ءَ چہ وانگی سرجم کتگ ات ہمہ کہ فلسطینءِ دیمروئی ءِ تہ ھاسیں کرد ادا کنگ انت۔آہاں فلسطین پاکستان ءِ میان ءَ معاشی کمک ءَ را پراھی دیگ ءِ ھاترا دوئیں ملکانی بیئپاری براتری ءِ میان ءَ رھوت ءِ پراھی دیگ ءِ ضلورت ءِ سرا زورمان کتگ