دری کارانی بنجاہی وزیر مخدوم شاہ محمود قریشی ءِ او آئی سی سیکرٹری جنرل ءِ ھاسیں نمائندگ برائے جموں و کشمیر ءِ گوما گند ءُُ نند

اسلام آباد۔ 3 مارچ (اے پی پی)دری کارانی وزیر شاہ محمود قریشی ءَ گوشت کہ اقوام متحدہ ءِ سیکرٹری جنرل ءِ بیان اے گپ ءِ پدرائی انت کہ کشمیر بھارت ءِ تہی جیڈھ نیست انت۔اے گپ آہاں او آئی سی سیکرٹری جنرل ءِ ھاسیں نماھندگ برائے جموں ءُُ کشمیریوسف ایم الدوبے ءِ گوما گپ ءُُ تران کنان ءَ کتگ انت آہاں سئے شمبے ءَ دری کارانی کارگس ءِ تہ آئی ءَ گوں گندءُُ نند کتگ۔گپ ءُُ تران ءِ تہ اقوام متحدہ ءُُ اوآئی سی ءِ منگ نامہ ءِ ھلاپ ورزی،5اگست 2019ءِ پدا بھارتی گامءَ را باستءُُ واست کنگ بوتگ انت۔دری کارانی وزیر ءَ گوشت کہ بھارتی گامانی آسرءَ زوربرتگیں کشمیرءِ تہ بنیاتی انسانی حقانی پادمالی بوھگ انت۔دری کارانی وزیرشاہ محمود قریشی ءَ گوشت کہ پاکستان ءِ تروتاب ءِ درگتءَ سیکرٹری اقوام متحدہ ءِ بیان اے گپے پدرائی انت کہ کشمیربھارت ءِ تہی جیڈھ نیست انت۔آہاں گوشت کہ ضرورت اے گپے انت کہ دگنیا ءِ دراھیں ہمگرنچیں ادارگ زوربرتگیں کشمیرءِ جاورھال ءِ پیش نظر ایکٹو بہ بنت،خطہ ءِ امن ءُُ گہبودی ءِ ھاترا کشمیرءِ جیڈھ ءِ حل اقوام متحدہ ءِ منگ نامہ ءِ روژنی ءِ تہ بوھگ بہ بیت۔ او آئی سی سیکرٹری جنرل ءِ ھاسیں نماھندگ ءَ زوربرتگیں کشمیر ءِ جاوھال ءِ سرا تکانسری ءِ درشان کتگ۔آہاں سدکی داتگ کہ اوآئی سی زوربرتگیں کشمیر ءِ مہلوک ءِ حقانی ھاترا وتی کرد چکاریں وڈءَ ادا کن ایت۔