اسلام آباد۔ 3 مارچ (اے پی پی) حکومت پاکستان ءَ ڈن ملکءَ نشتگیں پاکستانیز ءَ را ای او بی آئی پنشن فنڈسکیم ءِ تہ ھوار کنگ ءِ پلان جوڈ کتگ۔ قومی اسمبلی ءِ قائمہ کمیٹی برائے اوورسیزپاکستانیز ءِ دیوان چیئرمین کمیٹی شیخ فیاض الدین ءِ سروکی ءَ پارلیمنٹ ہاؤس ءِ تہ برجم دارگ بوتگ۔ کمیٹی ءَ را بریفنگ دیان ءَ مزن وزیر ءِ ھاسیں کمکاربرائے اوورسیز پاکستانیز سیّد ذوالفقار عباس بخاری ءَ سرپد کتگ کہ پاکستان ءِ راج دپترءِ تہ اولی رند ءَ حکومت ای او بی آئی پنشن فنڈءِ ردا ڈن ملک ءَ نشتگیں پاکستانیانی ھاترا پنشن سکیم ءِ برجاہی کنگ انت۔ اوورسیز پاکستانیز ءِ ھوالہ ءَ چہ سوشل سکیورٹی گامگیج ءِ ھوالہ چہ زلفی بخاری ءَ سرپد کتگ کہ مہ نیشنل پنشن سکیم ءِ نیمگا چہ دیما جزگ انت ءُُ اے یک مزنیں بریک تھرو انت۔ایشی ءِ تہ ڈومیسٹک لیبر،بھٹہ جاتءِ سرا کار کنوکین پورھیاگرءُُ فری لانس احوالکارھم پج انت۔آہاں گوشت کہ اوورسیز پاکستانیز ءَ را احساس پروگرام ءِ ردا جان سلامتی انصاف کارڈ ءِ پھجارگ ءِ سمری منظوری ءِ ھاترا بنجاہی کابینہ ءَ را دیم داتگ ات۔کمیٹی ءِ دیوان ءِ تہ مہرین رزاق بھٹو، ثوبیہ کمال خان، جمال الدین، عطاء اللہ، ذوالفقار علی دولہہ، سیکرٹری وزارت اوورسیز پاکستانیز، جوائنٹ سیکرٹری وزارت اوورسیز، منیجنگ ڈائریکٹر او پی ایف، ڈائریکٹر جنرل بیورو آف امیگریشن و اوورسیز ایمپلائمنٹ ءُُ وزارت ءِ دگہ مزن تکی واکدار ءَ بھرزوراتگ۔
