اسلام آباد۔ 3 مارچ (اے پی پی) بنجاہی وزیر تعلیم ءُُ کسبی ہیلکاری شفقت محمود ءَ گوشت کہ ملک ءِ تہ یک وڈیں نصاب ءِ ھاترا گلگت بلتستان ءُُ آزاد کشمیر ءِ ھوار دراھیں صوبگ بنجاہ ءَ گوں ھواری ءَ کا کنگ انت۔آں دوشمبے ءَ ادارگ برائے چاگردی انصاف،اتحاد ءُُ تنظیم ءُُ سرپدی ءُُ پاکستان کولیشن فار ایجوکیشن ءِ چیر دستی پالیسی سیمینار ءَ گوں تران کنگ ات۔بنجاہی وزیر ءَ گوشت کہ حکومت ءَ ملک ءِ تہ راجی نصاب ءِ برجاہی ءِ ھاترا پُرجزم انتءُُ اے مئے گل تحریک انصاف ءِ منشور ءِ بھر ھم انت۔آہاں گوشت کہ مزن وزیر عمران خان ءَ بنداتءَ گوشتگ ات کہ یک راج جوڈ کنگ ءِ ھاترا الم انت کہ ملک ءِ تہ یک وڈءِ تعلیمی سسٹم ءِ ایر کنگ بیت۔بنجاہی وزیر ءَ گوشت کہ اے یک راج دپتری موہ انت کہ وھدیکہ مہ یک راجی نصاب ءَ را دیما آرگ اوں۔آہاں گوشت کہ مارا ہنچو ءِ کار کنگی انت کہ باندات ءَ ھم یات دارگ بیت۔آہاں گوشت کہ نصاب ءِ تیاری ءِ کارءِ تہ حکومت ءَ سندھ ءِ ھوار دراھیں صوبگ ءَ چکاریں وڈءَ پج کتگ۔آہاں گوشت کہ نصاب ءِ تیاری ءِ تہ وفاق المدارس ءَ را ھم پج کنگ بوتگ انت وھدیکہ ایلیٹ سکول ءَ چہ ھم آہانی ان پٹ دیگ بوتگ۔اے دگت ءَ یک پریس کانفرنس ءِ برجمداری کنگ بیت ایشی ءِ تہ نصاب ءِ ھاترا زبان ءِ گچینی سرا چارءُُ بچار بیت۔آہاں گوشت کہ عمران خان وت ایشی سرا ھاسیں دلگوشی دیگ بوھگ انت۔ سیمینار ءِ پینلسٹءَ نصاب ءِ تیاری، نفاذ ءُُ دگہ معاملہانی سرا وتی ھیالانی درشان کتگ۔آہاں حکومت ءِ کاوشءَ را ساڑاتگ۔
