دہلی ٹی مسلمان تا کشت وخون ہندوستان نا بشخنگ نا بنداوءِ تخانے
اسلام آباد۔ 03مارچ (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ دہلی ٹی مسلمان تا کشت وخون ہندوستان نا بشخنگ نا بنداوءِ تخانے، جنونی ہندو جلہو گیرک بے گناہ تا کشت وخون ءِ کرسا ”دوقومی نظریہ“ نا راستی ءِ امنا کریر، قائد اعظم نا نظریہ نا سچائی نا شاہدی ءِ ایون ہر بے گناہ بھارتی مسلمان نا تموک آ دتر تننگ ءِ، اینو مودی نا فسطائی نظریہ ہندوستان نا جوڑ کروک آتا فلسفہ غا مون ءُ لپ اسے۔ داخیال آتا درشانی ءِ او سے شنبے نادے آ تینا ٹویٹ اٹی کرے۔ ڈاکٹر فردوس عاشق اعوان پارے کہ دہلی ٹی مسلمان تا کشت وخون ہندوستان نا بشخنگ نا بنداو ءِ تخانے۔ جنونی ہندو جلہو گیرک بے گناہ تا کشت و خون ءِ کرسا ”دوقومی نظریہ“ نا راستی ءِ امنا کریر۔ اوپارے کہ قائد اعظم نا نظریہ نا سچائی نا شاہدی ءِ اینو ہر بے گناہ بھارتی مسلمان تا تموک آ دتر تننگ ءِ۔ بے گناہ مسلمان تا کشت وخون بھارت اٹی رہینگوک آ اقلیت آتے پید وار کلہو ءِ کہ اوفتا بھارت اٹی جان و مال رکھ اف۔ خصوصی کمکار پارے کہ بھارت اٹی مسلمان تیا ظلم انا دستان پوسکن اف، ولے مودی نا دور اٹی ہندو انتہاپسندی کاٹم آن گدرینگانے۔ اینو مودی نا فسطانی نظریہ ہندوستان ءِ جوڑ کروک آتا فلسفہ غا مون ءُ لپ اسے۔ اقلیت آک بدحال ءُ، و راج ونڈ ءِ۔
