اسلام آباد۔ 03مارچ(اے پی پی) حکومت نا چندر و خڑچ آتے ٹی کمتی نا پالیسی آ عملدرآمد کرسا ایوان صدر اسلام آباد اٹی 2019ء ٹی بجلی و گیس انا کاریم اٹ اتنگ نا مد اٹ 84لکھ 60 ہزار روپئی نا نمان بچت کننگانے۔ ذرائع نا رداٹ ساڑی آ حکومت سرکاری خڑچ آتے ٹی کمتی اتنگ و سرکاری پیسہ غاتا بچت کن چندر نا پالیسی اس اختیار کرینے و دا چرجوئی ٹی ایوان صدر اٹی ہم چندی بشخ آتے ٹی خڑچ آتے ٹی کمتی کننگ کن المی گام گیج آتے پک کننگانے۔ سرکاری ذرائع نا رداٹ ایوان صدر اٹی ہم بجلی، گیس نا کاریم اٹ اتنگ و ایلو خڑچ آتا مد اٹی چندر نا پالیسی آ گچین وڑاٹ عمل کننگ انگ ءِ ہراٹی بجلی و گیس انا کاریم اٹ اتنگ اٹی چندر اختیار کرسا 2018ء نا مقابلہ 2019ء ٹی بجلی نا کاریم اٹ اتنگ نا مد اٹ 74لکھ 30 ہزار روپئی و گیس انا مد اٹ 10لکھ 30 ہزار روپئی نا نمان بچت کننگانے۔
