اسلام آباد۔ 03مارچ(اے پی پی) چین پاکستان اقتصادی راہداری ڈٹ انا رداٹ ساہیوال کول پاور پلانٹ 1320 میگا واٹ نا ڈٹ آن قومی گریڈ ءِ سالانہ 9 ہزار گیگا واٹ بجلی فراوان کننگ انگ ءِ۔ ڈٹءِ پورو کروک آ کمپنی”پاور چائنہ“ نار داٹ دا ڈٹ اٹی 660 میگاواٹ نا سپر کرٹیکل کولاآن چلینگوک آ 2یونٹ جوڑ کننگانے ہرافتا سالانہ پیدواری لائخی 9 ہزار گیگاواٹ ءِ۔ ساہیوال بجلی گھر چین پاکستان اقتصادی راہداری نا بھلا اولیتی ڈٹ آتیان اسٹ ءِ۔ کمپنی نا رداٹ دا پروجیکٹ ای پی سی نیو کلیئر پاور انجینئرنگ کمپنی لمیٹڈ چلیفنگ ءِ، ہرا پاور چائنہ نا ذیلی ادارہ ءِ دا ڈٹ جولائی 2015ء ٹی بناکرے و مئی 2017ء ٹی دا بجلی ودی کننگ نا قابل مننگ آن پد گریڈ اتون منسلک مس و کولاآن چلینگوک آ اولیکو پاور اسٹیشن جوڑ مس ہرا سی پیک نا رداٹ واپاری مسخت آتے کن کاریم اٹ اتنگ انگ ءِ۔ دا ڈٹ چین نا نیشنل کوالٹی گولڈ ایوارڈ و پنجاب حکومت نا انجینئرنگ کنسٹرکشن سیفٹی ایوارڈ و گرین سویلائزیشین جوڑ جاڑی ایوارڈ دوئی کرے۔
