اقوام متحدہ۔ 03مارچ(اے پی پی) اقوام متحدہ نا سینٹرل ایمرجنسی رسپانس فنڈ مچ آ دنیا و خاص وڑاٹ ہمو ملک آک ہرافتا طبی نظام نزور ءِ ٹی کورونا وائرس نا تالانی ءِ توننگ کن اسہ کروڑ پنجا لکھ امریکی ڈالر نا مالی کمک فراوان کرینے۔ اقوام متحدہ نا رداٹ جہانی ادارہ جان جوڑی و یونیسیف ہندا امداد ءِ کاریم اٹ اتسا المی مہم اس چلیفک۔ تینا اسہ بیان اسے ٹی اقوام متحدہ نا انچارج انسانی ہمدردی امور مارک پارے کہ کورونا وائرس نا دین نا توننگ و کنٹرول کن داسکان ہرے متنے۔ اومستی پارے کہ داوخت آ ترند و گچین گام گیج اختیار کننگ نا گرج ءِ۔ جہانی ادارہ جان جوڑی گڑتی نا درشانی ءِ کرسا پارے کہ وائرس ہمو ملک آتیا سرمننگ کیک ہرافتا طبی نظام نزور ءِ۔ جہانی ادارہ جان جوڑی نا ڈائریکٹر جنرل ٹیڈروس ادھانوم گیبریسس فنڈ انا خیرمقدم ءِ کرینے۔ یونیسیف نا سروک ہنر یٹا فال پارینے کہ یونیسف دا فنڈ آن فائدہ ہرفسا چنا، پڈپُر نیاڑی و خاہوت آتے احتیاطی معلومداری فراوان کیک۔ اوپارے کہ دامشکل وخت اٹی دَین نا بھلو کچ اسے آ تالان مننگ آن بچنگ کن غٹ کوشست آتے بایدے کننگے۔
