اسلام آباد۔ 2 مارچ (اے پی پی) مزن وزیر ءِ ھاسیں کمک کار برائے اوورسیز پاکستانیز سید ذوالفقار عباس بخاری ءَ گوشت کہ آہاں پت ءُُ پیرکی ءِ سیادی اٹک ءَ چہ انت ءُُ اے ھاترا آئی سرا فرض انت کہ آں اے دمگ ءِ تعمیر ءُُ دیمرؤی ءِ تہ چکاریں بھرزوری ءَ کن انت۔اے ھیالانی درشان آہاں وتی اٹک ءِ تروتاب ءِ تہ لہتیں دمگانی سرا منصوبگانی بنداتی کنان ءَ کتگ ات۔ھاسیں کمک کارسید ذوالفقار عباس بخاری وتی جندی سیکرٹری نوید احمد ءِ میتگ پنڈ سلطانی ءَ سر بوتگ ات تو دمگ ءِ مردم ءَ وش اتک کتگ،گاؤں چپڑی ءِ تہ گیس منصوبگ ءِ بنداتی ءِ پدا مراگش ءَ گوں تران کنان ءَ آہاں گوشت کہ آئی ءِ سیادی اٹک ءَ گوں انتءُُ اے ھاترا آئی ءِ سرا فرض انت کہ آں اے دمگ ءِ تعمیر ءُُ دیمروئی ءِ تہ چکاریں بھرزوری کن انت،آں اے دمگی جیڈھانی حل ءِ ھاترا ہرممکن کوشست ءَ کن انت۔آہاں کوٹ فتح خان ضلع اٹک ءِ نامداریں واجہ ملک عطا محمد خان ءِ بیرانی سرا آئی ءِ ھاندان ءَ گوں دلپدردی کتگ وھدیکہ فتح جنگءَ چہ تحریک انصاف ءِ راھشون سردار امجد ءِ گس ءَ شپ ءِ نان ءِ تہ بھرزوری کتگ۔
