اسلام آباد۔2مارچ(اے پی پی) تہی کارانی بنجاہی وزیر اعجاز احمد شاہءَ گشتگ کہمیاں اوستمانی امن ء ُ ایمنی ءِ ھاترءَ فلسطین ءَ امن جوڑ کنگ باز المی اِنت، پاکستان گوں فلسطینءَ ہم کوپگ اِنت۔ آئیءَ اے گپ دوشمبے ءِ روچءَ فلسطین ءِ سفیر احمد جواد ربیئیءَ تہی کارانی وزارتءَ گند ء ُ نندکتگ۔ گندء ُنندءَ دونیمگی کارانی سرءَ ھیالء ُ لیکہءِ درشانی کنگ بوتگ۔ تہی کارانی وزیر اعجاز شاہء َ گشتگ کہ پاکستان گوں فلسطینءَ ہم کوپگ اِنت۔ آئیءَ گشتگ کہ پاکستان میاں اوستمانی امنء ُایمنی ءِ جوڑ کنگءَ وتی کردءَ پیلو کنگءَ اِنت، امنء ُ ایمنی ءِ بابتءَ پاکستانءِ لیکہ سرجمیں دنیاءِ دیما اِنت۔ اے موہءَ گپء ُتران کنانءَ فلسطین سفیر ءَ گشتگ کہ کرتار پور راہداری ءَ گوں ءَ چہ پاکستانءَ میاں اوستمانی امنء ُایمنی ءِ کلوہ داتگ۔ فلسطین ءِ سفیرءَ تہی کارانی وزیر ءِ کمک کنگءَ آئیءِ شگرء ُ منت گپتگ۔
