لاہور۔یکم مارچ(اے پی پی)گور نر پنجاب چوہدری محمدسرور ءَ اوگان امن معاہدہ ءِ تہ راج دپتری کردءِ سرا مزن وزیر عمران خان ءَ را امن ءِ نوبل انعام ءِ لوٹ کنان ءَ گوشت کہ مزن وزیر خطہ ءِ تہ ایوکا سیاسی لیڈر انت ہمہ کہ یکشل جنگ ءِ مخالفت کتگ ات آں ہمک تبک ءَ چہ امن ءِ نوبل انعام ءِ حقدار انت،بھارت ءِ جنگی جنون ءِ ھلاپ ءَ ھم مزن وزیر ءِ بھارتی پائلٹ ءَ را یلہ دیان ءَ امن ءِ کلوھ داتگ‘ پاکستان ءِ مخلص کوششانی سبب ءَ ہی اوگانستان ءِ تہ19سالی جنگ ءِ ھلاسی بوھگ انت،یک شمبے ءَ گورنر ہاوس ءَ چہ جاڑی وتی بیان ءِ تہ گورنر پنجاب چوہدری محمد سرور ءَ گوشت کہ ہمہ روچ ءَ امریکہ ءُُ آئی ءِ اتحادی ءَ اوگانستان ءِ تہ جنگ بناء کتگ،مزن وزیر عمران خان اے روچ ءَ چہ جیڈھ ءَ را گپ ءُُ گالوارءَ گوں حل کنگ ءِ لوٹ کنگ ات۔مروچی امریکہ ءُُ طالبان ءِ ھوار دراھ ءَ آہانی گپ ءِ تائید کتگ،الحمدللہ مروچی اوگانستان ءِ تہ جنگ ءِ ھلاسی ءُُ امن ءِ بنگیجی بوھگ انت، افغان امن ءِ ھاترا مزن وزیر ءِ راھشونی ءِ تہ پاکستان ءِ راج دپتری ءُُ پیسلہ کن کردار انت ءُُ امریکا ءُُ طالبان امریکہ امن معاہدہ مزن وزیر عمران خان ءِ اصولی گپ ءِ باج برگ ھم انت۔گور نر پنجابءَ گوشت کہ امن ءِ برجاہی ءِ ھاترا سرجمیں دگنیا پاک فوج ءِ قربانیانیءَ را ساڑانگ انت،ناشرکاری ءِ ھلاپ چکاریں جنگ مڑوکیں پاکستانی فوج ءِ سرا 22کروڑ مہلوک ءِ پکر انت،پاکستان دراھیں خطہ ء تہ امن ءِ حامی انت پرچا کہ ایشی ءَ چہ دیمروئی ءُُ وشھالی کائیت۔ چوہدری محمدسرورءَ گوشت کہ پاکستان مروچی ھم امن ءِ گپ کنگ انت،بھارت ءَ را ھم لوٹ ایت کہ آں توپگ ءُُ تیر ءِ ابید اقوام متحدہ ءِ منگ نامہ ءِ ردا کشمیر ءِ جیڈھ ءَ را حل کن ایت۔
