کوئٹہ۔ 29 فروری اے پی پی)سر وزیر بلوچستان جام کمال خانءَ گوشت کہ صوبائی کابینہ ءَ سرکاری نادراھ جاء ءِ ھاترا درمان ءُُ طبی آلات ءِ بہازورگ ءِ طریقہ کارءِ بدلی ءِ منظوری داتگ انت ءُُ ایشی ءِ ردا بہازورگ ءِ کارءِ مرکزیت ءَ را ھلاس کنان ءَ ضلعی نادراھ جاہانی ھاترا طبی اوزارانی طریقہ کار ءِ بدلی ءِ منظوری داتگ انت ایشی ءِ ردا بہا زورگ ءِ کار ءِ مرکزیت ءَ را ھلاس کنانءَ ضلعی نادراہ جاء ءِ ضلورت ءِ ردا دارو درمان بہا زورگ بنت،ایشی ءِ مکسد ڈویژنل ءُُ ضلعی نادراھ جاہاں را درمان ءِ ھوالہ چہ مھکم کنگ انت،اے ھیالانی درشان آہاں ایم ایس ڈی ءَ گوں ہمگرنچیں معامہلانی چارءُُ تپاسی دیوان ءِ تہ کتگ ات۔ صوبائی وزیر سردار عبدالرحمن کھیتران،چیئرمین وزیراعلیٰ معائنہ ٹیمب سجاد احمد بھٹہ، سیکریٹری خزانہ نورالحق بلوچ، سیکریٹری صحت مدثر احمد ملک، اسپیشل سیکریٹری صحت، ڈی جی صحت ءُُ ایم ایس ڈی ءِ انچارج ءَ دیوان ءِ تہ بھرزوری کتگ،سر وزیر ءَ گوشت کہ گوست ءِ راھبندانی ردا بہا زورتگ ءِ درمان ءَ چہ نادراھ جاہانی ضلورت ءَ پیلو نہ کت کنگ ات ءُُ فنڈز ضیان بوھگ ات، آہاں درمان ءُُ طبی اوزارانی بہازورگ ءِ تہ معیار ءَ را سدکی جوڈ کنگ ءُُ درمان ءِ ڈائریکٹ نادراھ جاہانی تاں سر کنگ ءَ را سدکی جوڈ کنگ سرا زور مان کتگ،اے موہ ءِ سرا دیوان ءَ را سرپد کتگ کہ مالی سال 2018-19ء ءِ تہ درمان ءِ بہازورگ ءِ کارسرجم مہ بوتگ ایشی ءَ رااے سال ءِ تہ دوبر ٹینڈر کنگ بوتگ ات، دارودرمان انٹرنیشنل میڈیسن اسٹیسٹکس ءُُ ڈرگ ریگولیٹری اتھارٹی ءِ راھبندانی ردا بھازورگ بوھگ انت۔ایشانی ایم ایس ڈی ءِ ڈرگ ٹیسٹنگ لیبارٹری ءِ تہ ٹیسٹ کنگ بوھگ انت،دیوان ءِ تہ پیسلہ کنگ بوتگ کہ صوبائی کابینہ ءِ تہ پیسلہ ءِ ردا درمان ءِ بہا زورگ ءِ راھبندانی تہ بدلی ءُُ عدم مرکزیت ءِ پالیسی ءِ ردا ٹینڈرءِ تہ الم تصیح کنگ بہ بیت۔اے موہ سرا سر وزیر ءَ موبائل میڈیسن ٹیسٹنگ لیبارٹری بہا زورگ ءِ کڈنی داتگ ہمہ کہ ضلعی نادراھ جاہانی تہ سر کتگیں درمان ءَ ٹیسٹ کن ایت،سر وزیرءَ محکمہ جان سلامتی ءِ تہ مانیٹرنگ ڈائریکٹوریٹ ءُُ بولان میڈیکل کمپلیکس نادراہ جاہانی تہ نوکتریں آسراتی آئی سی یو ءِ ہڈ دیگ ءِ کڈنی داتگ۔سر وزیر ءَ گوشت کہ حکومت جان سلامتی ءَ را دراھیں وسیلگ ءَ پھجارایت،نوں جان سلامتی ءِ کارکردگی ءِ تہ گہتری چارگ بہ بیت،آہاں گوشت کہ نادراہ جاہانی تہ صحت ءُُ صفائی ءُُ علاج ءِ گہتر آسراتی ءِ پھجارگ ءَ چہ مہلوک ءِ اعتماد ءِ سرا بحال کنگ بہ بیت۔
