اسلام آباد ۔ 28فروری (اے پی پی) مزن وزیر عمران خان ءَ معاشی پڑءَ گہتری آیگءِ سرءَ سدکّی ءِ درشانی کتگء ُ گشتگ کہ حکومتءِ سرجمءَ کوشست اِنت کہ معیشت ءِ گہتریءِ برورد لھس مھلوک ءَ سر بہ بنت، گوستءِ حکومت آنی ردیں گامگیجانی سزا مروچگیں اُلس کاٹگ اَنت، کم کٹء ُکمائی والا ء ُ نیزوریں تبک ءَ را ریلیف سرکنگءِ ھاترءَ حکومت کوشست کنگءَ اِنت ۔ اے ھیالانی درشانی آئیءَ جمعہءِ روچءَ وتی سروکیءَ معاشی جاورھالءِ چارء ُتپاسی کنگءِ ھاترءَ ہڈ داتگیں دیوانءَ گوں تران کنانءَ کتگ ۔ دیوانءَ منصوبہ بندی ءِ وزیر اسد عمر، بیپاریءِ صلہ کار عبدالرزاق داءود، حزانگءِ صلہ کار ڈاکٹر عبدالحفیظ شیخ، حاسیں کمک کار ڈاکٹر فردوس عاشق اعوان ، حزانگءِ سیکرٹری نوید کامران، اسٹیٹ بینک ءِ گورنر سید رضا باقر ء ُ دگہ سینئر افسر ہوار بوتگ اَنت ۔
