کوءٹہ ۔ 28 فروری (اے پی پی) صوبائی وزیر خزانہ میر ظہور احمد بلیدی پارینے کہ گلوبل وائرس تون مون تننگ کن محکمہ جان جوڑی 30 کروڑ ریلیز کرے اوغانستان ایران بارڈر ءِ پورو سیل کرسا اسکریننگ نا عمل برجاءِ اسہ تُو اس مست ایران آن 7 ہزار 6 سدءُ 64آن 27 سد ءُ 21 نا تعلق کوءٹہ غان ئس ہرافتے آن 7 سد بندغ نا اسکریننگ پورو مسنے بلوچستان اٹی کرونا وائرس نا ہچ ءُ کیس اس رپورٹ متنے اپوزیشن دا ہلہلئی حالیت آتے ٹی ہم سیاست ءِ نشان تننگ نا جاگہ غا حکومت تون تفے ، داخیال آتا درشانی ءِ او پی ڈی ایم اے نا دفتر اٹی پریس کانفرنس نا وخت آ صوبائی وزیر پی ڈی ایم اے میر ضیاء اللہ لانگو ، ترجمان حکومت بلوچستان لیاقت شاہوانی ، ڈی جی پی ڈی ایم اے عمران زرکون ئسک ہم ساڑی ئسر ۔ صوبائی وزیر میر ظہور بلیدی پارے کہ بلوچستان اٹی کرونا وائرس نا بابت ہلہلہ ئی حالیت آتا مون تروک ءِ کراچی اسلام آباد اٹ پک مننگ آن پد بلوچستان حکومت الرٹ ءِ ایران و اوغانستان بارڈر ءِ سیل کننگانے ننا زائر آک ایران نا شار قم آ ہنانو اوفتا پدی اتنگ کن گام گیج کننگ انگ ءِ بنجائی حکومت بلوچستان تون پبی کمک کرینے 5ہزار نا خڑک پاکستانی ایران اٹی اختہ ءُ تفتان اٹی ڈاکٹر آتا ٹیم سرمسنو ایران اٹی اختہ زائر آتے ہزار ، ہزار کرسا پاکستان آ اتینہ و اوفتا سکریننگ ءِ کینہ بلوچستان حکومت تیار ءِ کرونا وائرس تون مون تننگ کن ننے غٹ ءِ کڑد ادا کروئی مریک بلوچستان حکومت آگاہی مہم اس چلیفینے بلوچستان نا تعلیمی ادارہ غاتے بند کننگ نا فیصلہ کرینے میڈیا اپوزیشن الس ءِ اسہ پنہ غا بروئی مریک ولے نن گلوبل وائرس ءِ توننگ اٹ سرسہب مرینہ تفتان بارڈر آ غٹ بست و بند آک پورو ءُ ڈاکٹر آتا کمتی پورو مسنے اپوزیشن تون سلاہ اس ارے ننے تننگ کیک داحالیت آتے ٹی سیاست نا دوکانداری ءِ کروئی اف بلوچستان اٹی اسہ تُو اس مست ایران آن بلوچستان آ بروک آ 7 ہزار 6 سد ءُ 64آن 27 سد ءُ 21 نا تعلق کوءٹہ غان ئس ہرافتے آن 7 سد بندغ نا اسکریننگ پورو مسنے ۔
