اسلام آباد ۔ 28 فروری (اے پی پی) پاک فضائیہ نا سروک ایئر چیف مارشل مجاہد انور خان نیشنل کبڈی ٹیم نا گوازی گر آتون ایئر ہیڈ کوارٹرز اسلام آباد اٹی اوڑدہی کرے ۔ ایئر چیف لاہور اٹی اڈ ہلوک آ کبڈی ورلڈ کپ 2020ء ءِ کٹنگ آ گوازی گر تا ستاءِ کرے و اوفتے نغد انعام تس ۔ ترجمان پاک فضائیہ نا رداٹ گوازی گر آتون گپ وتران کرسا ایئر چیف پاکستان نا خلقی علاقہ غاتا غٹ آن پنی آ گوازی کبڈی نا ورلڈ کپ ءِ کٹنگ آ اوفتا کارکڑدگی نا ستاءِ کرے ۔ اوپارے کہ کبڈی نا فائنل میچ اٹی بھارت ءِ شکست ترسا ملک انا پن ءِ روشنا کریر ۔ اوداہیت انا ہم ذکر ءِ کرے کہ پاک فضائیہ کن دا ہیت گمر نا قابل ءِ کہ پاکستان کبڈی ٹیم انا کیپٹن چیف وارنٹ آفیسر محمد عرفان تون اوار ہفت گوازی گر تا تعلق پاک فضائیہ نا کبڈی ٹیم آن ءِ ہرا کہ نیشنل چیمپیئن شپ ہم اریر ۔
