صدر آزاد کشمیر سردار مسعود خان و ڈپٹی اسپیکر قومی اسمبلی قاسم خان سوری نا پریس کانفرنس آن تران

اسلام آباد ۔ 28 فروری (اے پی پی) صدر آزاد کشمیر سردار مسعود خان و ڈپٹی اسپیکر قومی اسمبلی قاسم خان سوری پارینے کہ آر ایس ایس بھارت اٹی نظام حکومت ءِ چلیفنگ ءِ ، آر ایس ایس وحشی تنظیم اس جوڑ مسنے ، کشمیری الس تینا اُراتیٹی گھیڑ ءُ ۔ جمعہ نادے آ کشمیر ہاءوس اٹی پریس کانفرنس آن تران کرسا سردار مسعود خان پارے کہ نئی دہلی تون اوار سد آن زیات شار تیٹی ٹرمپ انا دورہ بھارت اٹی برانزی مچی مس ، آر ایس ایس بھارت اٹی جج آتا بدلی ءِ کرفنگ ءِ و اوفتیا زور شاغنگ انگ ءِ ، ٹرمپ انا دورہ ٹی میڈیا نا فوکس نئی دہلی ٹی مچی و ظلم آتیا ئس ۔ اوپارے کہ جہانی برادری و کشمیری بھارت آن ظلم آتا حساب ءِ الیرہ ۔ اوپارے کہ قاسم سوری ہر فورم آ کشمیری تا حق اٹی توار بڑز کرے ، پاکستانی پارلیمنٹ کشمیری تا توار جوڑ مرسا بھارتی ظلم انا مذمت ءِ کرے ۔ اوخواست کرے کہ مقبوضہ کشمیر اٹی بھارت کشمیری تا نسل کشی ءِ ہلے ۔ ڈپٹی اسپیکر قاسم خان سوری پارے کہ کشمیر نا ویل سنگین آن سنگین مرسا ہِننگ ءِ ، ٹرمپ انا دورہ ٹی کشمیری تا توار ءِ توننگا ، کیہی تُو آن مقبوضہ کشمیر اٹی پورو لاک ڈاءون ءِ ، کشمیری لیڈرشپ و الس ظلم آتیان تنگ ءُ ۔ اوپارے کہ کشمیر نا خاخر مچ آ بھارت ءِ تینا پلویڑ اٹی ہلکونے، سیاسی سرکڑدہ غاک اسہ سال آن پابند سلاسل ءُ، جہانی برادری بایدے ہوش کے ۔