وزیراعظم نا خصوصی کمکار حوالکاری و شین کاری نا طالبان و ایلو کڑدہ غاتا نیام اٹ معاہدہ غا دستخط آتیا خیرمقدم
اسلام آباد ۔ 28 فروری (اے پی پی)وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان اینو(ہفتہ 29 فروری) آ طالبان و ایلو کڑدہ غاتا نیام اٹ معاہدہ غا دستخط آتا خیرمقدم ءِ کرینے ۔ اوپارے کہ دا دود اٹی وزیر خارجہ شاہ محمود قریشی پاکستان نا نمائندگی ءِ کیک، اونا پاننگ ئس کہ اوغان امن نا کنڈآ تاریخی پیش رفت وزیراعظم عمران خان نا موقف نا سرسہبی و پاکستان نا فوج انا بے مٹ کڑد انا شاہدی ءِ ۔ داخیال آتا درشانی ءِ او تینا ٹویٹ اٹی کرے ۔ خصوصی کمکار پارے کہ معاہدہ نا دود اٹی امیر قطر تون اوار ہفت ملک آتا وزیر خارجہ غاک و پنجا ملک آتا نمائندہ غاک شریک مریرہ وخت اس کہ پاکستان نا نمائندگی ءِ وزیر خارجہ شاہ محمود قریشی کیک ۔ اوپارے کہ اوغان امن نا کنڈآ تاریخی پیش رفت وزیراعظم عمران خان نا موقف نا سرسہبی و پاکستان نا فوج انا بے مٹ کڑد انا شاہدی ءِ ۔ اوپارے کہ وزیراعظم عمران خان مدام ڈائیلاگ نا مخ تف مسنے، ڈیہہ ٹی پائیدار امن ءِ مون آ دننگ و سوگوی کن مثبت کڑد ادا کرسا کیک ۔
