اسلام آباد ۔ 28 فروری (اے پی پی) بنجائی مذہبی امور پیر نور الحق قادری سوشل میڈیا غا حج درخواست فارم اٹی بیان حلفی نا چٹفنگ نا ترند انگا لوز آتے ٹی تردید ءِ کرسا پارینے کہ دا بابت آن ہوکاک سراسر غلط ءُ، ختم نبوت ﷺ نا کالم ءِ چٹفنگ نا بارواٹی ہچ کس سجفنگ ہم کپک ۔ جمعہ نادے آ تینا اسہ وضاحتی بیان اسے ٹی اوپارے کہ منہ دے آن سوشل میڈیا غا دا حوال چلینگ انگ ءِ کہ حج فارم اٹی بیان حلفی ءِ چٹفنگانے ۔ دا بابت آن ہراہوکاتے تالان کننگ انگ ءِ او سراسر غلط ءُ ۔ اصل اٹ فارم ءِ اِرا بشخ آتے ٹی بشخنگانے ۔ اسہ حج فارم و ایلو ڈیٹافارم ءِ ۔ ختم نبوت ﷺ نا بابت آن حلقی مست آنبار و مہالو نا عبارت اٹی ساڑی ءِ ۔ داڑآ دستخط یا انگوٹھا خلنگ آن بیدس حج فارم پورو مننگ کپک ۔ ختم نبوت ﷺ نا کالم ءِ چٹفنگ نا ہچ کس سجفنگ ہم کپک انتئے کہ ختم نبوت ﷺ آ ننا ایمان و یقین ءِ ۔
