اسلام آباد ۔ 28 فروری (اے پی پی) ڈپٹی کمشنر اسلام آباد حمزہ شفقات پارینے کہ ہیلتھ ورکرتا رکھ اکن اسلام آباد نا غٹ ہسپتال آک 26ہزار آن زیات ماسک ہلکونو و پین ہلنگ انگ ءِ ۔ تینا اسہ ٹویٹ اسے ٹی ڈپٹی کمشنر مچ آ اسلام آباد نا گیمٹس آن 26ہزار نا خڑک ماسک ہلنگانے ہرافتے اسلام آباد نا ہسپتال آتے ٹی ہیلتھ ورکرتا رکھ اکن فراوان کننگانے ۔ ڈپٹی کمشنر پارے کہ ہیلتھ ورکرز آتے غٹ آن مست مریض ءِ دوخلنگ نا ءِ داڑکن اوفتا رکھ ءِ کننگ المی ءِ ۔ اوپارے کہ پین ماسک ہلنگ انگ ءِ و بھاز زوت ویل ءِ ایسر کننگک ۔ داکان مست ڈپٹی کمشنر اسلام آباد نا کنڈآن ماسک انا بلیک مارکیٹنگ نا توننگ کن تدوک آ دے دفعہ 144ءِ ہم نافذ کریسس ہرانا رداٹ غٹ دوکاندار تے پاننگاسس کہ ماسک ءِ بلیک کروک آتا برخلاف سخت کارروائی کننگک و ذخیرہ اندوز آتے دزگیر کننگک ۔
