کوءٹہ ۔ 28 فروری (اے پی پی) پاکستان تحریک انصاف نا قومی اسمبلی نا باسک منورہ منیر پارینے کہ پاکستان اٹی غٹ اقلیت آتے پورو رکھ دوئی ءِ، وخت اس کہ ہندوستان اٹی انتہاپسند آک مسلمان تا کشت وخون ، کاروباری ہند و ملکیت آتے خاخر تننگ شرمناک ءُ عمل اسے جہانی برادری بھارت اٹی انسانی حق انا خلاف ورزی تا نوٹس ءِ ہلے ۔ دا ہیت ءِ او جمعہ نادے آ ’’اے پی پی‘‘ تون گپ و تران کرسا پارے ۔ پاکستان تحریک انصاف نا باسک قومی اسمبلی منورہ منیر پارے کہ مقبوضہ کشمیر پدریسہ کرفیو نا سوب آن جیل انا منظر ءِ پیش کننگ ءِ ، وزیراعظم عمران خان نا سرسہب سفارت کاری نا سوب کشمیر ناویل مچ آ دنیا ٹی تالان مسنے ۔ اوپارے کہ پاکستان رکھوک و ملک سوگو انگا دوتے ٹی ءِ، بھارت اٹی مسلمان تا دتر تون ہولی کروک آتا برخلاف جہانی برادری نوٹس ہلے مودی حکومت نا متشدد نظریہ و جنگ آ مبنی پالیسی تا سوب ہندوستان اٹی اقلیت آتے زند مشکل مسنے وخت اس کہ پاکستان نا آئین اٹی غٹ اقلیت آتے پورو رکھ انا ضمانت ءِ تننگانے ۔
