راجی شونداری کن آب اٹ تعلیم نا اہمیت آن نمن مننگ مفک ، صوبائی وزیر ثانوی تعلیم و ہائیر اینڈ ٹیکنیکل ایجوکیشن سردار یار محمد رند

کوءٹہ ۔ 27 فروری (اے پی پی) صوبائی وزیر ثانوی تعلیم و ہائیر اینڈ ٹیکنیکل ایجوکیشن سردار یار محمد رند پارینے کہ راجی شونداری کن آب اٹ تعلیم نا اہمیت آن نمن مننگ مفک ۔ تعلیم تون اوار مار و مسن تا سہی سمت اٹ راہشونی، آب اٹ تربیت وخت انا اہم ءُ گرج اسے ۔ تعلیمی پڑاٹ پٹ وپول و آب اٹ تعلیم نا فراوانی حکومت نا اولیت آتے ٹی اوار ءِ ۔ صوبہ ٹی تعلیمی شونداری کن پرائیویٹ سیکٹر و ڈونر ایجنسی تا کڑد بے کچ اہمیت تخک ۔ صوبہ نا مر مر انگا علاقہ غاتے ٹی تعلیمی آسراتی تا فراوانی کن ہروڑاٹ گام گیج کننگک ۔ داخیال آتا درشانی ءِ او تعلیم فاءونڈیشن نا چیئرمین ڈاکٹر ظفر اقبال قادر و پروگریسیو ایجوکیشن نیٹ ورک نا سی ای او ڈاکٹر محمد نجیب خان تون گپ وتران کرسا کرے ۔ داوخت آ سیکرٹری ثانوی تعلیم غلام علی بلوچ ہم ساڑی ئس ۔ اوڑدہی ٹی صوبہ ٹی تعلیمی حالیت و صوبہ ٹی آب اٹ تعلیم نا گچینی کن چست کروک آ حکومتی گام گیج آتیا گپ و تران کننگا ۔ داوخت آصوبائی وزیر پارے کہ راجی وڑاٹ زمواراستاد آک گچین آخبت نا ضامن ءُ ۔ زرگزرانی سوگوی کن آب اٹ تعلیم نا دوئی کننگ بے کچ اہم ءِ ۔ اوپارے کہ راجی شونداری زرگزرانی سووی و راجی انصاف کن المی ءِ کہ تعلیمی بشخ تینا قائدانہ کڑد ءِ ادا کے ۔ سردار یار محمد رند پارے کہ راج اٹی بدلی کن المی ءِ کہ خواندگی نا کچ اٹی ودکی کننگے ۔ طالب علم آتا کاریم نا کچ اٹی ودکی کن المی ءِ کہ اوفتے ٹی ساڑی پت ءِ پین ودفنگے ۔