27فروریءِ روچءَ ما دنیاءَ را اے کلوہءَ دیءگ لوٹا ں کہ کس مارا پروش دات نہ کت، دری کارانی وزیر شاہ محمود قریشی

اسلام آباد ۔ 27فروری (اے پی پی) دری کارانی وزیر شاہ محمود قریشی ءَ گشتگ کہ 27فروری ءِ ہوالگءَ مرچیگیں روچ راج دپترءَ یات کنگ بیت ۔ پنچ شمبےء ِ روچءَ 27فروری ءِ ہوالگءَ ایک بیانءَ دری کارانی وزیرءَ گشتگ کہ اے روچءَ مے بہادریں فوجءَ جرات ء ُبہادری پیش داشتگ ء ُ راج دپترءَ وتی نام نبشتہ کتگ ۔ 27فروریءِ روچءَ ما دنیاءَ را اے کلوہءَ دیءگ لوٹا ں کہ کس مارا پروش دات نہ کنت ۔ آئیءَ گشتگ کہ بھارتی گرابءَ را ما دور داتگء ُ دژمنءَ را وتی کلوہ سر کتگ ما وتی دیمپانی کنگءَ زاناں ۔ بھارتی پائلٹ ءَ را یل کتگء ُ ما دنیاءَ را اے کلوہ داتگ کہ ما امنء ُایمنی دوستیں راجے اَں ۔ مرچی بھارت وتی جندءِ مردمانی سرءَ زلمء ُناحقی کنگءَ اِنت ۔ دری کارانی وزیر ءَ گشتگ کہ مارا وتی اُردانی سرءَ پھر اِنت کہ آ ہروہدءَ وطنءِ دیمپانی کنگءِ ھاترءَ ساڑی اَنت ۔