مارا کس پروش دات نہ کنت، دژمن وتی ادارگاں سوبمند نہ بنت، قانودء ُ انصاف ءِ بنجاہی وزیر بیرسٹر فروغ نسیم

اسلام آباد ۔ 27فروری (اے پی پی) قانودء ُ انصاف ءِ بنجاہی وزیر بیرسٹر فروغ نسیم ءَ گشتگ کہ مارا کس پروش دات نہ کنت، دژمن وتی ادارگاں سوبمند نہ بنت، مرچی قائداعظم ءِ دوراجی لیکہءِ درشانی بوت ء ُ مولانا ابوالکلام آزادءِ لیکہءِ نیزوری پدّر بوتاں ۔ پنچ شمبے ءِ روچءَ 27فروری ءِ ہوالگءَ وتی حاسیں کلوہءَ آئیءَ گشتگ کہ اے روچ ہمک پاکستانی اُلسءَ را اے گپءِ یاتءَ دنت کہ مے اُلسء ُ مے آپیء ُ بالی فورس دژمن ءَ را پروش دیءگءَ ہمک وہدءَ ساڑی اَنت ۔ 27فروری ءَ مادرائیں دنیاءَ را اے کلوہ داتگ کہ مے دیمپانیءَ اللہ تعالیٰ کنت ء ُ دژمن کدی وتی ارادگاں سوبمند نہ بنت ۔ آئیءَ گشتگ کہ ما بھارتی گرابءَ را دور داتگء ُ دژمن ءَ را اے حال سرکتگ کہ مارا پروش دیءگ نہ بیت ء ُ بھارتی پائلٹ ءَ را یل کتگء ُ ما دنیاءِ دیما وتی درورے جوڑ کتگ ۔ بھارت وتی جندءِ اُلسءِ سرءَ زُلمء ُناحقی کنگءَ اِنت، ما اللہ تعالیٰءِ شکرء ُ منتءَ گراں کہ مے فوج پہ مے دیمپانی کنگءِ ھاترءَ ہر وہدءَ ساڑی اِنت ۔ بھارتی حکومت ءِ مسلمان آنی حلاپ کاروائی ء ُ کشمیرءَ زُلمء ُ ناحقی ءِ گندگءَ اے گپ پکّہ بوتگ کہ مرچی قائد اعظمءِ دوراجی لیکہ راست اِنت ء ُ مولانا ابوالکلام آزادءِ لیکہءِ نیزوری پدّر بوتگ اَنت ۔ آئیءَ گشتگ کہ ما پاکستانی اُلس وتی ملک ءِ دیمپانی کنگءَ ہمک وہدءَ تیار اَنت ۔