کوروناوائرس نا توننگ کن پبی گام گیج کینہ، بنجا و صوبائی حکومت کورونا وائرس تون مون تننگ کن گچین گام گیج کننگ ءُ، خصوصی کمکار جان جوڑی ڈاکٹر ظفر مرزا

کوءٹہ ۔ 27 فروری (ا ے پی پی) خصوصی کمکار جان جوڑی ڈاکٹر ظفر مرزا نا پاکستان اٹی کوروناوائرس نا پک مننگ نا بابت پاننگ ءِ کہ کورونا وائرس آن زہمی 97 درسد مریض جان جوڑ مریرہ، ڈاکٹر ظفر مرزا بنجائی سیکرٹری ہیلتھ ڈاکٹر اللہ بخش ملک، وزیراعلیٰ بلوچستان جام کمال خان، صوبائی وزیر مواصلات و تعمیرات میر عارف جان محمد حسنی تون اوار پاک ایران بارڈر تفتان نا رکھی گام گیج آتا دورہ ءِ کرے ۔ داوخت آ ظفر مرزا پارے کہ بنجا و صوبائی حکومت کورونا وائرس تون مون تننگ کن گچین گام گیج کننگ ءُ، بنجا و صوبہ اواری اٹ کورونا وائرس تون مون تننگ کن پرعزم ءُ، ڈاکٹر ظفر مرزا پارے کہ غٹ بالی پٹ و ڈغاری کسرتیا سخت اسکریننگ مننگ ءِ، کورونا وائرس آن بچنگ کن ہیلپ لائن 1166ءِ جوڑ کرینے ۔ اومستی پارے کہ کورونا وائرس نا توننگ کن پبی گام گیج کینہ ، الس خیالداری و زمواری ءِ تینا شعار کے ۔ ڈاکٹر ظفرمرزا نا الس آن خواست کرسا پاننگ ئس کہ وزارت جان جوڑی نا جاری کروک پاریزی تیا عمل کیر، کورونا وائرس تون مون تننگ کن ہسپتال آتے ٹی جتا ءُ روم اس جتا کننگانے ۔