اسلام آباد ۔ 27 فروری (اے پی پی) وزیراعظم آزاد کشمیر راجہ محمد فاروق حیدر خان پاک فضائیہ ءِ خراج تحسین پیش کرسا پارینے کہ 27 فروری 2019آ پاک فضائیہ نئے بیرہ پاکستانی قوم بلکن ریاست جموں و کشمیر نا خلقت نا کاٹم ءِ گمر اٹ بڑزکرے ۔ بھارتی جارحیت نا پبی ورندی ءِ تننگ نا اسہ سال پورو مننگ آ تینا بیان اٹی او پارے کہ ہرا فضائیہ نا تربیت ءِ ایئرمارشل اصغر خان و ایئر مارشل نور خان کیر اودے دنیا نا ہچ ءُ طاقت اس شکست تننگ کپک ۔ اوپارے کہ 27 فروری داہیت ءِ پک کرے کہ جنگ آک طاقت اٹ آخا جیرت و حکمت اٹ کننگرہ ۔ کشمیری تے پاک فوج انا جنگی لاءخی تیا گمر ءِ ہرافک مدام ہندوستان ءِ پبی ورندی تسر ۔ راجہ فاروق حیدر خان پارے کہ پاک فوج اتون لائن آف کنٹرول نا ہڑتوم آ کنڈرہینگوک آ الس مہر و مریبت کیرہ ، ہندوستان نا اخس کے مرضی ءِ طاقت ءِ کاریم اٹ اتے کشمیر اٹی پاک فوج آن شکست اونا مقدر ءِ ۔
