اسلام آباد ۔ 27 فروری (اے پی پی) وزیر داخلہ اعجاز احمد شاہ پارینے کہ بوسنیا تون مدام گچین تعلقداری مسنے، نن خوانہ کہ تین پہ تینی باندات آتا معاملہ غاتے ٹی پین مثبت پیش رفت مرے، ویزہ آسراتی نا گچینی ننا اولیت آتیان اسٹ ءِ ۔ داخیال آتا درشانی ءِ او بوسنیا ناسفیر ثاقب فوریک تون گپ و تران کرسا کرے ہرافک پنچ شنبے نادے آ داڑے وزارت داخلہ ٹی اوڑتون اوڑدہی کریر ۔ اوڑدہی ٹی تین پہ تینی است خواہی نا باندات آتیا گپ و تران کننگا ۔ اوپارے کہ بوسنیا تون مدام گچین تعلقداری مسنے ، ویزہ آسراتی نا گچینی ننا اولیت آتیان اسٹ ءِ ۔ اوپارے کہ غیر کانودی سفر ءِ توننگ کن بالی پٹ آتیا سیکورٹی سخت کرینن ۔ الیٹرانک پاسپورٹ اس درستی راستی کرفنگ نا سلاہ غا زوت عملدرآمد کننگک تانکہ جعلی کاغد آتیا سفر کننگپ ۔ داوخت آ بوسنیا ئی سفیر ثاقب فوریک پارے کہ نن خوانہ کہ تین پہ تینی باندات آتا معاملہ غاتے ٹی پین پیش رفت مرے ، کمکاری آ حکومت پاکستان نا منت وار اُن ۔
