
اسلام آباد ۔ 27 فروری (اے پی پی) امیر البحر ایڈمرل ظفر محمود عباسی ملکی بحری سیم تا رکھ اکن آپریشنل تیاری و حربی لاءخی تیا است جمی نا درشانی ءِ کرسا پارینے کہ پوسٹ پلوامہ بے چیٹی تیٹی دشمن نا آبدوز نا پدرند ءِ خلنگ پاک بحریہ نا حربی تیاری و کسبی لاءخی تا شاہدی ءِ، پاک بحریہ ملکی بحری سیم تا دفاع کن دشمن نا جارحیت و ہروڑنا خطرہ غاتون مون تننگ نا پبی لاءخی تخک ۔ او سی اسپارک اٹی گوادر و تربت اٹی پاک بحریہ نا تنصیب و سمندر اٹی بحری جہاز آتا دورہ ءِ کننگ نا وخت آ گپ و تران کریکہ ۔ ترجمان پاک بحریہ نا رداٹ نیول ایئر اسٹیشن تربت اٹی امیر البحر ءِ پاک بحریہ نا فضائی میرات آتا تعیناتی و آپریشنل ڈٹ آتا بابت حوال تننگا ۔ گوادر آ بننگ آ پاک بحریہ نا سروک ءِ مکران کوسٹ آ بحریہ نا آپریشنل سرجز و دستہ غاتا تعیناتی نا سرجم جاچ ءِ پیش کننگا ۔ اوکان پد نیول چیف سمندر اٹی پاک بحریہ نا جہاز آتا ہم دورہ ءِ کرے ۔ امیر البحر جہاز آتیا تعینات آفیسر و ورناتے تون اوڑدہی کرے و کثیر الجہتی خطرہ غاتون مون تننگ و دشمن ءِ سرپرائز کننگ نا تیاری نا ستاءِ کرے ۔ اوملکی بحری سیم تا رکھ اکن آپریشنل تیاری و حربی لاءخی تیا پورو است جمی نا درشانی ءِ کرے ۔