اسلام آباد ۔ 27 فروری (اے پی پی) پاک چین اقتصادی راہداری (سی پیک) اتھارٹی نا چیئرمین جنرل (ر) عاصم سلیم باجوہ پارینے کہ 27 فروری لمہ وطن نا دفاع کن ننا عزم ، ہمت و استقلال نادے ءِ و داددے بھارت ءِ مدام دا حقیقتءِ باور کرفسا کیک کہ او وخت اس ہم لمہ وطن نا دفاع کن ننا عزم و استقلال ءِ نزور تکپ ۔ تینا ٹویٹ اٹی اوپارے کہ بھارت ہچ ءُ غلط گمانی اسے اٹی مف، پاکستان اسہ بے مٹ ءُ قوم اسے نا حیثیت اٹ دہشت گردی ءِ جامع وڑاٹ شکست تسنے ۔ اوپارے کہ بھارت تصور ہم کپ کہ او پاکستان ءِ آسانی اٹ شکست ایتک، اگہ بھارت ردینک اس کرے تو اودے داکان ہم سخت ءُ ردعمل اسے تون مون تروئی تمک ۔
