مزن وزیر عمران خان ءِ مصر ءِ بازیں پڑآں دونیمگی کمک ءَ را گیش کنگءِ جزمءِ درشانی
اسلام آباد۔26فروری (اے پی پی) مزن وزیر عمران خانءَ گوں مصرءِ دیمپانیءِ وزیر ء ُ کمانڈر انچیف جنرل محمد احمدز کیءَ گند ء ُنندکتگ۔مزن وزیر عمران خان ءِ مصر ءِ بازیں پڑآں دونیمگی کمک ءَ را گیش کنگءِ جزمءِ درشانی کتگ۔ آ مصر ءِ کمانڈر انچیف ء ُ دیمپانی ءِ وزیر جنرل محمد احمدز کی ءَ گوں گپء ُ تران کنگءَ بوتگ کہ آیاں چارشمبے ءِ روچءَ مزن وزیر کارگسءَ یکے دومیءَ گندء ُنندکتگ۔ گندء ُنندءَ دونیمگی اوستمانی ء ُ میاں اوستمانی جیڑہ آنی سرءَ ھیالء ُ لیکہءِ درشانی کنگ بوتگ۔ مزن وزیر عمران خانءَ پاکستان ء ُ مصر ءِ نیامءَ نزیکیں ء ُ وشیں سیادی ء ُ 2019ءَ نیویارک ء ُ مکہ ءَ صدر عبدالفتح السیسی ءِ گند ء ُ نندءَ را یاد کتگء ُ دوئیں ملک آنی نیامءَ بازیں پڑاں کمک ءَ را محکم کنگءِ ہوالگءَ دونیمگی جزم ءِ درشانی کتگ۔ مصری کمانڈر انچیف جنرل محمد احمدزکی ءَ مزن وزیر عمران خان ءَ را مصر ءِ صدر عبدالفتح السیسی ءِ نیمگءَ چہ نیکیں واہگانی کلوہ سرکتگ۔ جنرل احمدزکیءَ پاک۔مصر دونیمگی سیادی، دیمپانی کمک، یکجائی فوجی مشق ء ُ دوئیں ملک آنی نیامءَ مزن تکءِ ڈل آنی یکے دومیءِ نیمگءَ دیم دیئگءَ وشیء ُ سدکّیءِ درشانی کتگ۔ مصری کمانڈرانچیف ءَ پاکستان ءَ گوں درائیں پڑاں دونیمگی کمک ءَ را گیش محکم کنگءِ ہوالگءَ مصری حکومتءِ جزمءِ درشانی کتگ۔
