نازی تیان زہمی آر ایس ایس نا نظریہ اسہ ارب آن زیات آبادی نا ملک ءِ یرغمال کرینے
اسلام آباد۔ 26 فروری (اے پی پی) وزیراعظم عمران خان پارینے کہ نازی تیان زہمی آر ایس ایس نا نظریہ اسہ ارب آن زیات آبادی نا ملک بھارت ءِ یرغمال کرینے، خار انا بنداو آ جوڑ نسل پرستانہ نظریہ مدام خونریزی نا سوب مریک، بھارت داسہ 20 کروڑ مسلمان تے شست کننگ ءِ، جہانی برادری دانا بایدے نوٹس ءِ ہلے۔ پاکستان اٹی اگہ کس اس غیر مسلم شاری یا اوفتا عبادت نا جاگہ غاتے شست کرے تو اوڑتون سختی اٹ مون تننگک۔ داخیال آتا درشانی ءِ او چارشنبے نادے آ تینا ٹویٹ اٹی کرے۔ اوپارے کہ اسہ ارب آن زیات آبادی والا جوہری ملک بھارت ءِ نازی نظریہ غا کاربند آر ایس ایس برغمال جوڑ کرینے، ہراتم ہم خار آ مبنی نسل پرستانہ نظریہ تالان مریک تو خونریزی مریک۔ اوپارے کہ اقوام متحدہ نا جنرل اسمبلی ٹی تینا تران اٹی ہم اودا خطرہ نا پیدواری ءِ کریسس کہ اسہ وار دا جن بوتل آن پیشن پیش تما تو خونریزی ٹی ودکی مریک۔ اوپارے کہ بھارتی مقبوضہ کشمیر نا حالیت آک دانا بنائسر، داسہ بھارت اٹی 20 کروڑ مسلمان تے شست کننگ انگ ءِ، جہانی برادری دانابایدے نوٹس ءِ ہلے۔ اوپارے کہ پاکستان اٹی اقلیت آک بریبر نا شاری ءُ، کس اس غیر مسلم شاری یا اوفتا عبادت نا جاگہ غاتے شست کرے تو اوڑتون سختی اٹ مون تننگک۔
