اسلام آباد۔ 26 فروری (اے پی پی) وزیر مملکت ہاؤسنگ اینڈ ورکس محمد شبیر علی قریشی پارینے کہ وزیراعظم عمران خان نا کماشی ٹی حکومت الس نا راجی آسراتی کن انقلابی گام گیج کننگ ءِ، حکومت جہانی کہول آ کشمیر نا مقدمہ ءِ پبی وڑاٹ تالان کرینے۔ داہیت ءِ او چارشنبے نادے آ ”اے پی پی“ تون گپ وتران کرسا پارے۔ اوپارے کہ وزیراعظم عمران خان ءِ حکومت مشکل حالیت آتے ٹی رسینگاسس ولے اونا سرکڑدہ ئی لائخی تا سوب آن ملک مشکل حالیت آتیان پیش تمسا شونہالی نا کنڈآ ہنانے۔ اوپارے کہ بھارت نا غیر انسانی پالیسی تا سوب آن مقبوضہ کشمیر جیل انا دروشم اس اختیار کرینے، جہانی برادری آ زمواری مریک کہ او کشمیر نا آجوئی کن کڑد ادا کے۔ اسہ سوج اسے نا ورندی ٹی اوپارے کہ داسہ ہمووخت مر اف ہراتم کشمیر بھارت نا کوزہ غان آجومریک۔
