لاہور۔ 26 فروری (اے پی پی) محکمہ موسمیات بروک آ بیست ءُ چار گھنٹہ ٹی پنجاب نا گیشتر علاقہ غاتے ٹی ترند تہو و ہورہ و گروک تون پِر انا پیشگوئی کرینے، محکمہ موسمیات نا ترجمان نا رداٹ بروک آ بیست ءُ چار گھنٹہ ٹی اسلام آباد تون اوار راولپنڈی، جہلم، لاہور، سیالکوٹ، سرگودھا، فیصل آباد، گوجرانوالہ، گجرات، نارووال، ساہیوال، ملتان، ڈی جی خان، ملتان، اوکاڑہ و رحیم یار خان اٹی ترند تہو و ہورہ و گروک تون پِر انا گمان ءِ، محکمہ موسمیات نا رداٹ پِر تا دا چرجوئی ہفتہ نا دے اسکان برجاسلنگ ناگمان ءِ، داکان بیدس مری، گلگت بلتستان و کشمیر تون اوار قطبی علاقہ غاتے ٹی ترند تہو و ہورہ و گروک تون پِر و مش تیا برف انا گمان ءِ۔ محکمہ نا رداٹ تدوک آ 24گھنٹہ ٹی لاہور ڈویژن تون اوار راولپنڈی، گوجرانوالہ، فیصل آباد، اسلام آباد و ملک انا ایلو علاقہ غاتے ٹی موسم خشک و بڑزکو علاقہ غاتے ٹی یخ ئس، چارشنبے نادے آ صوبائی دارالحکومت لاہور اٹی تہو اٹی نمبی نا تناسب 74درسد ئس وخت اس کہ زیات آن زیات درجہ حرارت 12سینٹی گریڈ و کم آن کم 10 سینٹی گریڈ ریکارڈ کننگا۔
