بنجاھی وزیر برائے ہوابازی غلام سرور خان ءِ بیان

اسلام آباد۔ 25 فروری (اے پی پی) بنجاھی وزیر برائے ہوابازی غلام سرور خان ءَ گوشت کہ امریکہ صدر ڈونلڈ ٹرمپ ءِ اے دانک ءَ چہ سہرا بوتگ کہ پاکستان پڑ ءَ ایمنی ءِ واھشت ایگ انت، مزن وزیر عمران خان ءَ دگنیا ءَ پاکستان ءِ جوانیں پجار ءَ را پیش کنگ ءَ ارزشتی ایں کرد پیلو کتگ۔ سئے شمبے ءَ وتی یک بیانے ءِ تہ ءَ بنجاھی وزیر ءَ گوشت کہ امریکہ صدر ءَ بھارت ءَ مودی ءُُ ہزارانی بھارتی شہری آنی امیت آنی سر ءَ آپ پر ریتکگ، ڈونلڈ ٹرمپ ءَ وتی گشتانک ءِ ساھت ءَ پاکستان ءَ ناشرکاری ءِ ھلاپ ءَ کوشست آنی توسیپ کتگ اے دانک ءِ پد ءَ آ ابکہ بوتگ انت۔ غلام سرور خان ءَ گوشت کہ اے وڑ اولی رند ءَ بوتگ کہ دگنیا یک مھکمیں لیڈر ات بھارت ءَ ٹوھیں مچی ءِ دیم ءَ پاکستان ءِ توسیپ کتگ۔ بنجاھی وزیر ءَ گوشت کہ مزن وزیر عمران خان ءَ دگنیا ءَ پاکستان ءِ جوانیں پجار پیش کنگ ءَ ارزشتی ایں کرد پیلو کتگ۔ آئی ءَ امیت سہرا کت کہ میاں اوستمانی سروک کشمیر ءِ جیڈھ ءَ را گیوار کنگ ءَ ھک ءُُ دلی پیش کن انت۔