دونیمگی سیادیءَ را گیش ترند ء ُ محکم کنگءِ جزم ءِ درشانی
اسلام آباد۔25فروری (اے پی پی) پاکستان ء ُ نیپال ءَ دونیمگی سیادیءَ را گیش ترندء ُ محکم کنگءِ جزم ءِ درشانی کتگ۔ دری کارانی وزیر شاہ محمود قریشی ءَ گوں نیپالءِ دری کارانی سیکرٹری شنکرداس بیراگی ءَ سے شمبے ءِ روچءَ دری کارانی وزارتءَ گندء ُ نندکتگ۔ گندء ُنندءَ دوئیں فریقن آں دونیمگی سیادیءَ را گیش ترندء ُ محکم کنگء ِ جزم ءِ درشانی کتگ۔ شنکر داسءِ سروکیءَ نیپال ڈل پاک۔نیپال دونیمگی سیاسی شورء ُصلہ ءِ چارمی برءِ ھاترءَ پاکستانءَ اَتکگ۔ دری کارانی وزیر ءَ اے موہءَ پاک۔نیپال سفارتی سیادی ءِ 60سال سرجم بوہگءَ نیپال دری کارانی سیکرٹری ءَ را مراد بات داتء ُگشتگ کہ سارکءَ را یک رندے پدا فعال کنگء ُ آئیءَ را دمگی کمک ءِ اثر مندیں فورم ءَ مٹ کنگءِ ھاترءَ نیپال ءِ کوشستاناں ساڑا تگ۔ شاہ محمود قریشی ءَ نیپال دری کارانی سیکرٹری ءَ را نمدی نبشتہ کتگء ُ جاورھال حاس کشمیرءِ جاورھال ءَ چہ سرپد کتگ۔
