کوئٹہ۔25فروری (اے پی پی) جانء ُ سلامتیءِ صوبائی سیکرٹری مدثر وحید ملکءَ گشتگ کہ بلوچستانءَ کرونا وائرسءِ ایچ کیس رپورٹ کنگ نہ بوتگ، درائیں ضلع آں رکینگی گامگیج ءِ ردءَ اسپیشل وارڈ جوڑکنگ بوتگ اَنت، کرونا وائرس ءِ گرء ُدار کنگءِ ھاترءَ عملی گامگیج کنگ بوہگءَ اِنت، پی، ڈی، ایم، اے راجی جانء ُسلا متی ءِ ادارگ، جانء ُسلامتی ءِ میاں اوستمانی ادارگ ء ُ جانء ُ سلامتیء ِ ایندگہ ادارگاں گوں یکوئی نزیکی کنگءَ اَنت ء ُ کرونا وائرس ءِ گرء ُدار کنگءِ ھاترءَ درائیں گامگیج کنگ بوہگءَ اَنت۔ اے ھیالانی درشانی آئیءَ سے شمبے ءِ روچءَ سول سیکرٹریٹ ءَ جانء ُ سلامتی ءِ ادارگءِ آفیسر آنی دیوان ءَ گوں تران کنانءَ کتگ۔ جانء ُ سلامتیءِ صوبائی سیکرٹری مدثر وحید ملک ءَ گشتگ کہ گِرء ُداری گامگیج کتگ ء ُ بلوچستان جانء ُ سلامتی ءِ جنرل ڈائریکٹر ءِ سروکیءَ کرونا وائرس ءِ گرء ُدار کنگءِ ھاترءَ ٹاسک فورس جوڑ کنگ بوتگ، ٹیکنیکل ورکنگ گروپءِ سروک ڈائریکٹر اسٹیبلشمنٹ ڈاکٹر کمالان گچکی جوڑ کنگ بوتگ وہدے کہ ڈاکٹر نقیب نیازی ءَ را ڈپٹی ڈائریکٹر فوکل پرسن برائے اسپیشل وارڈ جوڑ کنگ بوتگ، ایشیءَ ابید ڈاکٹر آصف انور شاہوانی کنٹرول رومءِ سروک ء ُ ڈاکٹر ناصر شیخ ءَ راچہ ایرانءَ اتکگیں مسافر آنی چارء ُ تپاسی گروپ ءِ فوکل پرسن جوڑ کنگ بوتگ۔ آئیءَ گشتگ کہ 67زانتکاریں ڈاکٹر بلوچستان ءِ سیمسری ضلع آں سیمسرانی سرءَ تعینات کنگ بوتگ اَنت کہ آیانی تہءَ چاغی، پنجگور، واشک، گوادر، تربت، قلعہ عبداللہ، قلعہ سیف اللہ، ژوب ء ُ کوئٹہ میاں اوستمانی بالی پڑ ہوار اَنت، مدثر وحید ملک ءَ گشتگ کہ بلوچستانءَ کرونا وائرسءِ ایچ کیس رپورٹ کنگ نہ بوتگ، درائیں ضلع آں رکینگی گامگیج ءِ ردءَ اسپیشل وارڈ جوڑکنگ بوتگ اَنت، کرونا وائرس ءِ گرء ُدار کنگءِ ھاترءَ عملی گامگیج کنگ بوہگءَ اِنت۔
